პროფკავშირების მიერ ორგანიზებული გაფიცვის ფონზე, აქტუალური ხდება კითხვა, - რეალურად ვის ეკუთვნის შპს ''ევრაზიან სტილს'', რომელიც თავის მხრივ ''ჰერკულესს'' ფლობს. საყოველთაოდ გავრცელებული ინფორმაციით, ეს შპს ინდური ინვესტიციით შეიქმნა. თუმცა, არსებული გარემოებები სულ სხვა რამეზე მეტყველებს. საქმე ისაა, რომ ''ევრაზიან სტილსის'' 87.5%-იანი წილის მფლობელი დუბაიში, ჯებელ ალის თავისუფალი ზონაში დარეგისტრირებული კომპანია ''ევრაზიან ვენტურეზ ფზეა''. აქედან გამომდინარე, რეალურად ''ევრაზიან სტილსის'' ოფშორული კაპიტალია და არა ინდური. ოფიციალურად კომპანიას, მხოლოდ ერთერთი თანახელმძღვანელი ჰყავს ინდური ჟღერადობის სახელის და გვარის მქონე პიროვნება.
ქართული ბიზნესგარემოს სპეციფიკის გათვალისწინებით, სულაც არ არის გამორიცხული, რომ ოფშორული კაპიტალის უკან ქართული ინტერესი იდგეს და ინდური იარლიყი, მხოლოდ კვალის ასარევად გამოიყენებოდეს. ეჭვს აძლიერებს ის ფაქტიც, რომ ''ევრაზიან სტილსის'' დამფუძნებელ კომპანიას ოფიციალური ვებ-გვერდი არ აქვს, ამასთან, ისიც საყურადღებოა, რომ ინდურად მონათლულ კომპანიას გარდა საქართველოსა, სხვაგან ინტერესი არ აქვს.
ამ ფონზე, კიდევ უფრო საეჭვო ხდება, ქუთაისში ბოლო დროს განვითარებული მოვლენების, რეალური საფუძველი. საქმე ისაა, რომ ''ჰერკულესის'' მუშების სამუშაო პირობები რეალურად არავის აინტერესებს, წინააღმდეგ შემთხვევაში, პროფკავშირების რომელიმე წარმომადგენელი, მწუხარებას მაინც გამოთქვამდა, ორიოდ კვირის წინ ტყიბულში მაღაროში დასაქმებული მუშის ტრაგიკულად დაღუპვის გამო. დღეისათვის გაერთიანებული პროფკავშირების ვებ-გვერდზე არანაირი განცხადება ამ შემთხვევასთან დაკავშირებით განთავსებული არ არის.
როგორც ჩანს, გაერთიანებული პროფკავშირების მიზანმიმართული დაპირისპირება ერთი კონკრეტყული საწარმოს ხელმძღვანელობასთან მხოლოდ, აქტიურობის იმიტაციაა და მეტი არაფერი. ქუთაისში კი ყველაფერი კარგად დაგეგმილი სცენარით მიმდინარეობს, - პროფკავშირებმა იაქტიურა, ”ინდოელი” მფლობელი მარწუხებში მოაქცია და მუშებისთვის სამუშაო პირობების გაუმჯობესებაზე დაითანხმებს. მაგრამ არავინ იტყვის, იმას, თუ როგორ გაუმჯობესდება ''ჰერკულესში'' დასაქმებული მუშების მდგომარეობა,... ქუთაისში, საქართველოს ერთერთი უმსხვილესი მეტალურგიული ქარხნის ინდოელი მფლობელი საქართველოში საგანგებოდ ჩამოვიდა. ინვესტორი გაფიცულ მუშებთან და პროფკავშირებთან მოლაპარაკებების გამართვას აპირებს.
ქართულ–ინდური „ევრაზიან–სთილის“ კუთვნილ მეტალურგიულ კომბინატ „ჰერკულესში“ სამუშაო პირობების გაუმჯობესების მოთხოვნით გამაფრთხილებელი აქცია 2 სექტემბერს გაიმართა. 13 სექტემბრიდან გაფიცვამ მასშტაბური ხასიათი მიიღო და ამჟამადაც გრძელდება. ქარხანაში 350 ქართველი და ინდოელია დასაქმებული. მათგან გაფიცვაში 200–მდე ადამიანი მონაწილეობს.
რეგისტრაცია!
