მსოფლიოს 300 საუკეთესო უნივერსიტეტის სიაში ჰარვარდის უნივერსიტეტი აღარ ლიდერობსგამოქვეყნდა მსოფლიოს 300 საუკეთესო უნივერსიტეტის რეიტინგი QS World University Ranking 2011/12, რომლის მიხედვითაც, პირველ ათეულში კემბრიჯის უნივერსიტეტი ლიდერობს.
ტოპ-ათეულში ასევე შევიდა წინა ექვსი წლის უცვლელი ლიდერი, ჰარვარდის უნივერსიტეტი, მასაჩუსეტის ტექნოლოგიური უნივერსიტეტი, იელისა და ოქსფორდის უნივერსიტეტები, ლონდონის საიმპერიო კოლეჯი, ლონდონის საუნივერსიტეტო კოლეჯი, ჩიკაგოს, პენსილვანიისა და კოლუმბიის უნივერსიტეტები.მოსკოვის სახელმწიფო და სანკტ-პეტერბურგის სახელმწიფო უნივერსიტეტებმა რეიტინგში 112-ე და 151-ე ადგილები დაიკავეს.
სააგენტო QS -ი მსგავს რეიტინგებს 2004 წლიდან ადგენს და აკადემიური საზოგადოება მას ავტორიტეტულ ორგანიზაციად მიიჩნევს. გარკვეულ პერიოდამდე, უნივერსიტეტების ყოველწლიურ რეიტინგს ბრიტანული ჟურნალი The Times Higher Education აქვეყნებდა, მაგრამ რეიტინგების შედგენისას დაშვებული შეცდომების გამო ატეხილი სკანდალის შემდეგ, ჟურნალმა თანამშრომლობაზე უარი განაცხადა. ასე რომ, The Times Higher Education -ი საკუთარ რეიტინგს თავად გამოაქვეყნებს.
რეგისტრაცია!
