ქართული პარადოქსი, რომლის საფუძველიც ტყიბულში მომხდარი აფეთქებაა„ქართულ პარტიას“ საგანგაშოდ მიაჩნია, რომ უკანასკნელი წელიწადნახევრის განმავლობაში ტყიბულის მინდელის სახელობის მაღაროში სხვადასხვა მიზეზით მომხდარი აფეთქებების შედეგად უკვე ათი ადამიანი დაიღუპა. `ყოველი ტრაგიკული ფაქტის შემდეგ, იხატება სურათი, თითქოს, ყველაფერი კეთდება სამომავლოდ მსგავსი შემთხვევების თავიდან ასაცილებლად, მაგრამ ამ მოჩვენებითი აქტიურობის მიუხედავად, მდგომარეობის გამოსწორება ვერ ხერხდება~, _ ნათქვამია პარტიის განცხადებაში, რომელიც დღეს მან მინდელის სახელობის მაღაროში მომხდარი აფეთქების შედეგად თემურ გაბრიაძის დაღუპვის გამო გაავრცელა.
„ქართული პარტია“ მომხდარის გამო მწუხარებას გამოთქვამს სამძიმარს უცხადებს განსვენებულის ოჯახს.
ამასთან, მოითხოვს, რომ მაღაროს ხელმძღვანელობამ მიიღოს ქმედითი ზომები მაღაროელთა უსაფრთხოების უზრუნველსაყოფად და აფეთქებების რისკის მინიმუმამდე შესამცირებლად.
"მედიანიუსი”
რეგისტრაცია!
