Coca-Cola–მ პროტესტის ნიშნად საფრანგეთში ინვესტიციების ჩადებაზე უარი თქვა
მთელს მსოფლიოში ”კოკა-კოლას” პროდუქციას ექსპერტთა ნაწილი ჯანმრთელობისთვის საზიანოდ მიიჩნევს. თუ თავის საქმიანობას კომპანია საფრანგეთში არ გააფართოებს, ფრანგების ჯანმრთელობას, შესაბამისად, ნაკლები საფრთხე დაემუქრებაკომპანია Coca-Cola საფრანგეთში, ახალი გადასახადებისადმი პროტესტის ნიშნად 17 მილიონი ევროს ჩადების გეგმებზე უარს ამბობს.
ამ თანხის ინვესტირებას ცნობილი კომპანია სამხრეთ საფრანგეთში აპირებდა, თუმცა მას შემდეგ, რაც შეიტყო ხელისუფლების გადაწყვეტილება სასმელებზე დამატებითი გადასახადის დაწესების შესახებ, საკუთარი გეგმები შეცვალა.
გარდა ამისა, „კოკა კოლამ“ საფრანგეთში მდებარე ქარხნის 40 წლის იუბილის აღნიშვნაც გადაიფიქრა.
საფრანგეთის ხელისუფლება დამატებითი გადასახადის ამოქმედებას ბიუჯეტის შემცირების პროგრამის ფარგლებში აპირებს. მთავრობას იმედი აქვს, რომ ეს გადასახადი ბიუჯეტს დამატებით 120 მილიონ ევროს მოუტანს.ამასთან, კომპანია აზუსტებს, რომ ინვესტიციები კი არ გადაიდო, არამედ შეჩერდა.
ბოლო ხუთი წლის განმავლობაში „კოკა კოლამ“ პენე –მირაბოს ქარხანაში უკვე 45 მილიონი ევროს ინვესტიცია განახორციელა. კომპანიის დაანგარიშებით, ახალი გადასახადის ამოქმედებით მისი პროდუქცია 3,5%–ით გაძვირდება, რაც მის ბიზნესზე უარყოფითად აისახება. გარდა ამისა, მას პრობლემებს უქმნის ნედლეულზე, კერძოდ შაქარზე გაზრდილი ფასებიც.
რეგისტრაცია!
