დაცვის პოლიციამ (025) თბილისის დასასვენებელ პარკებში ვიდეო-სამეთვალყურეო კამერების დამონტაჟება დაიწყო.
როგორც დაცვის პოლიციაში აცხადებენ, დღემდე სკვერების უსაფრთხოებას დაცვის პოლიციის დეპარტამენტი, მხოლოდ თანამშრომლების მეშვეობით იცავდა. პარკების ტექნიკური აღჭურვით კი „025", საზოგადოებრივი დასვენების ადგილებში დანაშაულის შესაძლო რისკებს მინიმუმამდე შეამცირებს.
პროექტის ფარგლებში, 100-მდე ვიდეო-სამეთვალყურეო კამერა უკვე დამონტაჟდა გამსახურდიას სახელობის სკვერში, ტექსელის სახელობის სკვერში, ვაკის პარკში, ჯანსუღ კახიძის სახელობის პარკში, ლონდონის პარკსა და კიკვიძის სახელობის პარკში. კამერების მონტაჟი ამჟამად სარაჯიშვილის სახელობის სკვერში მიმდინარეობს.
დაცვის პოლიციის დეპარტამენტი საქართველოს მთელ ტერიტორიაზე მოქმედებს და მომხმარებლებს სიგნალიზაციების, საპოლიციო დაცვის, დაცვა-გაცილების, ინკასაციისა და პირადი დაცვის მომსახურებებს სთავაზობს.
რეგისტრაცია!
