დღეიდან GPRS სისტემით აღჭურვილი სალარო აპარატების დარიგების მეორე ეტაპი დაიწყო. როგორც “მედიანიუსს” ფინანსთა სამინისტროს შემოსავლების სამსახურში განუცხადეს, ახალ აპარატებზე გადასვლის პროექტი 2 აგვისტოდან სატესტო რეჟიმში თავდაპირველად თბილისში ამოქმედდა.
საგადასახადო კოდექსში შესული ცვლილებებით, გადამხდელთა ერთი ნაწილი სალარო აპარატების ქონის ვალდებულებისაგან საერთოდ თავისუფლდება. ლაპარაკია მიკრობიზნესის სტატუსის მქონე გადამხდელებზე. მცირე ბიზნესის სტატუსის მქონე გადამხდელებს აღნიშნული აპარატები უფასოდ ურიგდებათ.
აპარატის ღირებულება 290 ლარია. გადამხდელებს მისი შეძენა უპროცენტო განვადებითაც შეუძლიათ. როგორც შემოსავლების სამსახურში განმარტავენ, აპარატის GPRS სისტემით აღჭურვის გამო შესაბამისი ინფორმაცია შემოსავლების სამსახურის მონაცემთა ბაზაში ონლაინრეჟიმში აღირიცხება. ეს კი გაცილებით სწრაფი და ზუსტი კონტროლის საშუალებას იძლევა. პროექტის მესამე ეტაპზე, 2011 წლის 31 დეკემბრის ჩათვლით, სალარო აპარატების ძველი მოდელები ახლით სრულად შეიცვლება, ხოლო 2012 წლის 1 იანვრიდან სახელმწიფო რეესტრიდან მათი ამოღება დაიწყება.
"მედიანიუსი”
რეგისტრაცია!
