ნანახია: 523

სასკოლო სახელმძღვანელოების გამოწერა „საქართველოს ფოსტის" მეშვეობით უფასოა.

შესაბამისი სერვისით სარგებლობა მომხმარებელს 1 სექტემბერიდან უკვე შეუძლია. ერთ-ერთ პირველ შემკვეთს, განათლებისა და მეცნიერების მინისტრი დიმიტრი შაშკინი და „საქართველოს ფოსტის" სამეთვალყურეო საბჭოს თავმჯდომარე კახა ბაინდურაშვილი სახლში ეწვივნენ და კურიერის მიერ წიგნების გადაცემის პროცესს დაესწრნენ.

განათლებისა და მეცნიერების სამინისტროსა და „საქართველოს ფოსტას" შორის გაფორმებული მემორანდუმის თანახმად, „საქართველოს ფოსტა" წელს პირველად მომხმარებელს შესაძლებლობას აძლევს სასკოლო სახელმძღვანელოები სახლიდან გაუსვლელად გამოიწერონ. შეკვეთილ სახელმძღვანელოებს ფოსტის კურიერი მომხმარებელს სახლში მიუტანს.

როგორც ფოსტაში განმარტავენ, მომხმარებელი ფოსტის ვებ-გვერდის www.georgianpost.ge საშუალებით მხოლოდ წიგნის თვითღირებულებას გადაიხდის. ანგარიშსწორება ხელზე, ქვითრის მეშვეობით მოხდება, რომელსაც კურიერი სახელმძღვანელოებთან ერთად მიუტანს შემკვეთს.

მემორანდუმის თანახმად, „საქართველოს ფოსტა" 14 სექტემბერამდე ასევე უზრუნველყოფს სოციალურად დაუცველი მოსწავლეებისთვის სახელმძღვანელოების დარიგებასაც.