რუსეთის ფედერაციის მომხმარებელთა უფლებების ზედამხედველობის სამსახური ("როსპოტრებნადზორი") ირწმუნება, რომ ქართული ღვინისა და მინერალური წყლის „ბორჯომი" რუსეთის ბაზარზე დაბრუნების საკითხს ოფიციალური თბილისი უშლის ხელს.
ამის შესახებ ინფორმაციას Interfax.ru სააგენტო "როსპოტრებნადზორის" მიერ გავრცელებულ განცხადებაზე დაყრდნობით ავრცელებს. განცხადებაში ნათვამია, რომ იმ დროს როდესაც საქართველოს ბიზნეს-საზოგადოება ეძებს პრობლემის დარეგულირების გზებს და გამოხატავს მზაობას მოლაპარაკებების განახლებასთან დაკავშირებით რუსეთის ბაზარზე პროდუქციის დაბრუნების მიზნით, საქართველოს ხელისუფლების რიტორიკა და განცხადებები გაუგებრობასა და კონსტრუქციული დიალოგის დაწყების წინააღმდეგობაზე მიანიშნებს.
როგორც Interfax-ს რუსეთის მთავარმა სანიტარმა გენადი ონიშენკომ განუცხადა, მიმდინარე კვირის ბოლოს, 26 აგვისტოს მოსკოვში ქართული პარტიის „თავისუფალი საქართველოს" წარმომადგენელთან კახა კუკავასთან გაიმართება შეხვედრა. მისივე თქმით, შეხვედრაზე ქართული პროდუქციის რუსეთის ბაზარზე დაბრუნების საკითხი განიხილება.
„ბოლო ორი თვის განმავლობაში ეს მეორე შეხვედრა იქნება მხარეებს შორის, რაც იმაზე მიანიშნებს, რომ "როსპოტრებნადზორი" არსებული მდგომარეობის მოგვარებას და ეკონომიკური თანამშრომლობის აღდგენას ცდილობს," - განმარტავენ "როსპოტრებნადზორში".
GBC
რეგისტრაცია!
