ნანახია: 256

საქართველოში 2011 წლის ივლისში წინა წლის ანალოგიურ პერიოდთან შედარებით შრომისუნარიანი ასაკის მამაკაცის საარსებო მინიმუმი 19%-ით გაიზარდა.

"საქსტატის" ინფორმაციით, 2011 წლის ივლისში ამ მაჩვენებელმა 153 ლარი შეადგინა, ერთი წლის წინათ კი 128,4 ლარს შეადგენდა, მიმდინარე წლის ივნისში - 158,6 ლარს. აღსანიშნავია, რომ საარსებო მინიმუმმა ბოლო ორი თვის განმავლობაში მცირედით კლება დაიწყო, მიმდინარე წლის დასაწყისიდან მაისამდე კი იგი განუხრელად მატულობდა. საარსებო მინიმუმის 6-წლიანი მაქსიმუმი კი მაისში დაფიქსირდა, როცა მან 166,4 ლარს მიაღწია.

2011 წლის ივლისში საშუალო მომხმარებლის საარსებო მინიმუმი 135,5 ლარს შეადგენს, ერთი წლის წინათ კი - 113,7 ლარს შეადგენდა, 2011 წლის ივნისში - 140,5 ლარს.

ამავე პერიოდში საშუალო ოჯახის საარსებო მინიმუმი 256,6 ლარით განისაზღვრა, გასული წლის ანალოგიურ პერიოდში 215,4 ლარი იყო, 2011 წლის ივნისში - 266 ლარი.

ერთსულიანი ოჯახის საარსებო მინიმუმი, სტატისტიკური მონაცემებით, 2011 წლის ივლისში 135,5 ლარს (2010 წლის ივლისი - 113,7 ლარი) შეადგენს, ორსულიანის - 216,8 ლარს (2010 წლის ივლისი - 215,4 ლარი), სამსულიანის - 243,9 ლარს (2010 წლის ივლისი - 204,7 ლარი), ოთხსულიანის - 271 ლარს (2010 წლის ივლისი - 227,5 ლარი), ხუთსულიანის - 304,9 ლარს (2010 წლის ივლისი - 255,9 ლარი), ექვსულიანის და მეტი - 360,4 ლარს (2010 წლის ივლისი - 302 ლარი).


GBC