აფბა ჟურნალისტებს პროფკავშირების ხელმძღვანელობის ბინების, აგარაკების, სახლების და ავტომანქანების დასათვალიერებლად იწვევს არასამთავრობო ორგანიზაცია ახალგაზრდა ფინანსისტთა და ბიზნესმენთა ასოციაცია (`აფბა~) მედიის წარმომადგენლებს თავისი და გაერთიანებული პროფკავშირების ხელმძღვანელების ბინების, აგარაკების, სახლების და ავტომანქანების დასათვალიერებლად იწვევს. ამასთან დაკავშირებით დღეს ”აფბამ” განცხადება გაავრცელა, რომელსაც უცვლელად გთავაზობთ:
`პასუხი ლაი-ლაით დაკავებულ ”პროფკავშირების” ხელმძღვანელს, ბ-ნ პეტრიაშვილს და სხვებს
არ დაიდარდოთ, ბატონებო! ჩვენ როგორ ვიცავთ ბიზნესის ინტერესებს, ამაზე, გნებავთ 8 აგვისტოს ვისაუბრებთ, გნებავთ, ნებისმიერ სხვა დროს, ნებისმიერ ფორმატში. თქვენ, რა, თემის შეცვლას ხომ არ ცდილობთ, ბატონო ”ცუღლუტებო”?
თუ თქვენ, ბატონო პეტრიაშვილო, კორუმპირებულობას არ აღიარებთ და ასეთი არ ბრძანდებით, ჩვენ გაგვიხარდება. ამიტომ, ორშაბათს, დილის 12 საათზე მობრძანდით ჩვენს ოფისთან (ვაჟა ფშაველას #32) მოიტანეთ თქვენი ქონების დეკლარაცია, აგრეთვე თქვენს სახელზე შეძენილი ბინების, სახლების აგარაკების და მანქანების ჩამონათვალი (ხომ, გაქვთ ასეთი ქონება) და ჟურნალისტებთან ერთად დავათვალიეროთ ისინი და გადავიღოთ. მედიის ტრანსპორტირების უზრუნველყოფა, ბუნებრივია, თქვენ გევალებათ, როგორც ”სოლიდურ”, 231 ათას წევრიან ორგანიზაციას.
იმედია, რადგან თქვენ ჩვენ დაგვდეთ ბრალი კორუმპირებულობაში, ხოლო ჩვენ იმავეში გადანაშაულებთ თქვენ, ამის გარკვევა ამ აქციით დავიწყოთ. რაც შეეხება დისკუსიას, ვინ მოახსენა ბ-ნ პეტრიაშვილს, რომ ჩვენ მას თავს ვარიდებთ. ნურას უკაცრავად!
მოვდივართ, დიდი სიამოვნებით. იქნებ ოდესმე საქართველოს მოქალაქეებს, დასაქმებულებს ნამდვილი, მათი ინტერესების დამცველი პროფკავშირები ეღირსოთ.
მასმედიის დაინტერესებულ წარმომადგენლებს, გიწვევეთ ორშაბათს, 8 აგვისტოს, 12 საათზე ვაჟა-ფშავეალს 32-თან (აფბას ოფისთან)~.
განცხადებას ხელს არასამთავრობო ორგანიზაცია `ახალგაზრდა ფინანსისტთა და ბიზნესმენთა ასოციაცის~ პრეზიდენტი მერაბ ჯანიაშვილი აწერს.
”მედიანიუსი”
რეგისტრაცია!
