ნანახია: 336

ადლიის სანაპირო ზოლის გასამაგრებლად სამუშაოების ახალი ეტაპი დაიწყო.
აჭარის მთავრობის ცნობით, მდინარე ჭოროხის შესართავიდან ინერტული მასალების ზღვაში შეტანით ბათუმის ახალ ბულვარსა და ადლიის დასახლებას ზღვა საფრთხეს ვეღარ შეუქმნის.
წელს ადლიის სანაპიროზე 100 000 კუბ. მეტრი ინერტული მასალის ჩაყრა იგეგმება. სამუშაოები 1 დეკემბრამდე გაგრძელდება.
აჭარის გარემოს დაცვისა და ბუნებრივი რესურსების სამმართველოს დაკვეთით პროექტს ტენდერში გამარჯვებული კომპანია ~გზა” ახორციელებს. სამუშაოების საერთო ღირებულება 419 000 ლარია.
ნაპირსამაგრი სამუშაოები უკვე მესამე წელია მიმდინარეობს. პირველ ორ ეტაპზე გატარებული ღონისძიებების შედეგად, ზღვის სანაპირომ დაახლოებით 20-30 მეტრით მოიმატა. ბათუმის სანაპირო ზოლის გამაგრება ბოლოს 1989 წელს მოხდა.
ასეთია ხელისუფლები ოპტიმიზმით გაჯერებული პოზიცია. თუმცა დერინერის კასკადის აშენების შემდეგ, ჭოროხის ნატანი მნიშვნელოვნად შემცირდა, აჭარისწყალზე ჰესების აგების შემდეგ აჭარის შავი ზღვას სანაპიროს გამოუსწორებელი ზიანი მიადგება. ეს ყველაფერი ახალი ბულვარის მოსაწყობად გაღებულ მილიონებს, პირდაპირი აგგებით, წყალში გადაყრის.