ნანახია: 352

თბილისის ფილარმონიის დიდ საკონცერტო დარბაზში საქართველოს ნაციონალურმა ბალეტმა `სუხიშვილებმა” მაყურებელს ორდღიანი ახალი შოუ-პროგრამა შესთავაზა. კონცერტზე პირველად იქნა წარმოდგენილი ის ახალი ცეკვები, რომლებიც უმცროსმა ილიკო სუხიშვილმა უკანასკნელი 10 წლის მანძილზე დადგა. საათნახევრიან პროგრამაში 15 ახალი ნომერი შევიდა, მათ შორის იყო ორი მუსიკალური კომპოზიციაც. წარმოდგენის ყველაზე ემოციური ნაწილი იყო ცეკვა "ხორუმი,” რომელიც სიჩუმეში შესრულდა. როგორც მედიისთვის გახდა ცნობილი, უმცროსი ილიკო სუხიშვილის მიერ დადგმული ახალი ცეკვებისათვის კოსტუმები თავად ნინო სუხიშვილის მიერ იქნა შეკერილი.
აღსანიშნავია, რომ "სუხიშვილების” ახალი პროგრამა კომპანია "ბორჯომთან” ერთობლივი თანამშრომლობის შედეგად იქნა წარმოდგენილი. სულ ახლახანს, "ბორჯომი” და “სუხიშვილები” პარტნიორები გახდნენ.
"ვფიქრობ, ეს ტანდემი ჩვენ ქვეყანას მოუტანს ძალიან ბევრ სარგებელს. ყველა ბრენდს სჭირდება ის, რომ ღირსეული პარტნიორი ჰყავდეს. ”სუხიშვილები” და ”ბორჯომი” კი ის ბრენდებია, რომლითაც საქართველო მსოფლიო მასშტაბით ამაყობს. რაც შეეხება ჩვენს ღონისძიებებს, ძალიან მიხარია, რომ ახალი რეპერტუარის მხარდამჭერი და წარმდგენი კომპანია ”IDS ბორჯომი საქართველო” იყო” - განაცხადა ნინო სუხიშვილმა.
შეგახსენებთ, რომ "სუხიშვილები” 2012 წლიდან მაყურებელს საქველმოქმედო კონცერტების ციკლს შესთავაზებს.