ნანახია: 288

31 მაისს, თბილისში ვაგზლის მიმდებარე ტერიტორიაზე სამართალდამცავებმა ე.წ. გარემოვაჭრეები დაარბიეს და კუთვნილი პროდუქცია ჩამოართვეს. ამის შესახებ ინფორმაციას სააგენტო "ექსპრესნიუსი” ავრცელებს.

სააგენტოს ცნობით, სამართალდამცავებსა და მოვაჭრეებს შორის დაპირისპირება მოხდა. ნაცემია ერთ-ერთი ქალბატონი. ~წამართვეს ყველაფერი, ესეც არ მაკმარეს და მცემეს. მე სხვა გზა არ მაქვს ,ამით ვარჩენ ოჯახს და აქედან ფეხს არ მოვიცვლი”- აცხადებს ნაცემი მზია ნაჭყებია. ინციდენტის ადგილზე ~ეროვნული საბჭოს” ერთ-ერთი წევრი ლაშა ჩხარტიშვილიც გამოჩნდა. მისი განცახდებით, ის ამ ხალხს დაეხმარება და სამართალდამცავების წინააღმდეგ სარჩელს შეიტანს პროკურატურაში.