სახელმწიფო ბაგა-ბაღები ფასიანი ხდება » ბანკები და ფინანსები

სახელმწიფო ბაგა-ბაღები ფასიანი ხდება

მთავარისაზოგადოება 06.12.2010

სახელმწიფო ბაგა-ბაღები ფასიანი ხდებაბოლო პერიოდში განათლების სფეროში მთავრობის და პირადად მინისტრის მიერ ინიცირებულმა რეფორმებმა განსაკუთრებული სიმწვავე და აქტუალურობა შეიძინა. შაშკინის აშკარად გამოხატულმა ხისტმა მონდომებამ აშკარად უარყოფითი შედეგი გამოიღო და სასკოლო სიტემაში გატარებულ რეფორმებს ისეთი პროსამტავრობო ფიგურებიც კი აკრიტიკებენ, როგორიც გია ნოდიაა.
სასკოლო სისტემაში მიმდინარე გარდაქმნებმა, შეიძლება ითქვას, გადაფარა განათლების სისტემაში არსებული სხვა ცვლილებები. საინტერესო გარდაქმნები ხდება სკოლამდელი განათლების სფეროში. სკოლასთან არსებული სასკოლო პროცესისთვის ერთგვარი მოსამზადდებელი პერიოდის ცალკე საგანმანათლებლო მიმართულების შექმნა ჯერ კიდევ იდეის დონეზეა და ამ მიმართულებით რეალური გადაწყვეტილებები ჯერ მიღებული არ არის.
რაც შეეხება საბავშვო ბაღების პროგრამას, ძირეული გარდაქმნები არც აქ არის დაწყებული. თუმცა, ამ მიმართულებით მაინც საინტერესოა, რომ საბავშვო ბაღებში ბავშვის მიყვანა სავალდებულო ხდება. ამის სესახებ ერთერთ თავის გამოსვლაში პრეზიდენტმაც ისაუბრა, რომელმაც განაცხადა, რომ თუ ბავშვი მინიმუმ ორი წლის განმავლობაში არ ივლიდა ბაღში, მას სასკოლო პროგრამის გავლის უფლება არ მიეცემოდა. ეს თავისთავად საინტერესო ინიციატივაა, თუმცა, სკოლამდელი აღზრდა გაცილებით ღრმა და გააზრებულ მიდგომას ითხოვს.
ხშირია შემთხვევები, როდესაც სკოლაში ბავშვები განსხვავებული სასტარტო პირობებით შედიან, სკოლამდელი ასაკის ბავშვებში არ არის ნათლად გამოხატული მათი აზროვნების შესაძლებლობები, შესაბამისად, რთულია მათთვის სკოლის პერიოდში სწორი სასწავლო პროგრამის შერჩევა. ერთი სიტყვით, სკოლამდელი აღზრდა ბავშვის შემდგომი განვითარებისთვის უდიდეს მნიშვნელობას იძენს.
ამ ფონზე, საინტერესო ინფორმაცია გაღჟერა "ლეიბორისტულმა პარტიამ". მათი ინფორმაციით, საბავშვო ბაღები ფასიანი ხდება. როგორც პარტიის წევრმა პაატა ჯიბლაძემ განაცხადა, შესაბამის საკითხზე თბილისის მერია უკვე მუშაობს. მისივე მტკიცებით, ერთ ბავშვზე გადასახადი 50-დან 80-ლარამდე იქნება. `სააკაშვილისა და უგულავას ინიციატივით, იგეგმება, რომ ბაგა-ბაღები ფასიანი გახდეს. საუბარია ერთ ბავშვზე 50-დან 80 ლარამდე გადასახადზე. ეს ნიშნავს, რომ ბაღებში ბავშვების რაოდენობა შემცირდება, რასაც ზოგიერთი ბაგა-ბაღის გაუქმება და გამოთავისუფლებული შენობების კი გაყიდვა მოხდება", – განმარტა ჯიბლაძემ.
საბავშვო ბარების ფასს მოსახლეობის მატერიალური შესაძლებლობებიდან გამომდინარე უდიდესი მნიშვნელობა აქვს. მიუხედავად იმისა, რომ კერძო და ფასიან ბაღებში გაცილებით უკეთესი მდგომარეობაა, ვიდრე სახელმწიფო დაფინანსებაზე მყოფ ბაღებში, მოსახლეობის უდიდესი ნაწილი ეგუება ნაკლებად მისაღებ პირობებს და ბავშვები უფასო დაწესებულებებში შეჰყავთ.
ამ საკითხთან დაკავშირებით გაზეთი “ბანკები და ფინანსები” თბილისის მერიას დაუკავშირდა. როგორც მერიის პრეს-ცენტრმა ნანუკა ზაქარეიშვილმა განაცხადა: ”ამ ეტაპზე, დეკემბრის თვეში საბავშვო ბაღების გადასახადთან დაკავშირებით, საუბარი არ არის და ეს საკითხი არ განიხილება. თუ რა იქნება 2011 წლიდან, ეს ჯერ არ ვიცი”.
გადასახადის დაწესების შესახებ ინფორმაციას ჯერ-ჯერობით არც თბილისის საბავშვო ბაღების ხელმძღვანელები ფლობენ. ასე რომ `ლეიბორისტების~ მიერ დასმული საკითხი კვლავ აქტუალური რჩება, ახალი წლის შემდეგ სკოლამდელი აღზრდის დაწესებულებებში გადასახადების დაწესებას არც მერიაში და ბაღებში უარყოფენ.

ადა ექიზაშვილი


{custom category="2,4,5,15" template="shortstory_2" aviable="global" from="0" limit="10" cache="no"}