ნანახია: 3666

თბილისის საგადასახადოში შპს-ს რეგისტრაციისთვის არსებული წესები, შესაძლოა, ბევრმა ჩვენგანმა არ იცოდეს. ზოგიერთს ეს პროცესი შეიძლება რთულად და დამღლელად წარმოუდგენია. სინამდვილეში კი შპს-ს რეგისტრაციისთვის საჭიროა შპს-ს დირექტორი და დამფუძნებელი მიბრძანდნენ საგადასახადოში ან ნოტარიუსიდან წარმოადგინონ წესდება და კრების ოქმი.
შემდეგ კი ნებისმიერ ბანკში გადაიხადონ მოსაკრებელი 160 ლარის ოდენობით.
საგადასახადოში მისული რეგისტრაციის მსურველს თან უნდა ჰქონდეს დანართი #6-ს, რომელიც გულისხმობს განცხადებას საწარმოს, უცხოური საწარმოს ფილიალის, საწარმოს ფილიალის, სამეწარმეო ამხანაგობის სახელმწიფო და საგადასახადო რეგისტრაციის ცვლილების შესახებ.
ეს განაცხადი რამდენიმე ნაწილისგან შედგება.
პირველი ნაწილი, ინფორმაცია მარეგისტრირებელი შემოსავლების სამსახურის რეგიონული ცენტრის, საწარმოს სახელწოდებისა და სამართლებრივი ფორმის შესახებ. ანუ ამ ნაწილში ჩაიწერება საწარმოს სახელი და იურიდიული მისამართი.
ნაწილი 2. ინფორმაცია ხელმძღვანელ წარმომადგენლობაზე უფლებამოსილი პირების პროკურისტების შესახებ. ეს ნაწილი გულისხმობს ასეთი პირების შემდეგ მონაცემებს - გვარი, სახელი, მოქალაქეობა, საცხოვრებელი ადგილი, პირადი # და მისამართი.
ნაწილი მესამე, ინფორმაცია დამფუძნებლის შესახებ. ნაწილი მეოთხე, ინფორმაცია საკონტაქტო მონაცემების შესახებ და ნაწილი მეხუთე, ინფორმაცია საქმიანობის შესახებ.
და ბოლოს, დადასტურება იმისა, რომ შევსებული განცხადება შეესაბამება სინამდვილეს, არის სწორი და დასრულებული. განაცხადი უფლებამოსილი პირების ხელმოწერით და თარიღით სრულდება.