ნანახია: 541

ატომური რეაქტორებით გაყიდვით ნაშოვნი, რუსული ფულით გულმოყირჭებულმა ქართული წარმოშობის რუსმა ოლიგარქმა და მსოფლიო მოქალაქემ, კახა ბენდუქიძემ დაანგრია რა ქართული ეკონომიკა, მის ნანგრევებზე ვერ ააშენა ვერარა, მედიამაგნატობა და "ბნელი" ქართველების განათლება, მათი ცნობიერების მოდერნიზაცია განიზრახა. გაყიდა, რაც იყო გასაყიდი, ახალგაზრდა თაობის "გურუ" და "ბესამეც" გახდა და ნეოლიბერტარიანული უკიდეგანობის საქადაგებლად ჟურნალი "ტაბულაც" დააფუძნა. ყოველ ნომერში კონგენიალური აბსურდის თითო ნიმუშს გვჩუქნის. ბუნებრივია, ვიდრე წალეკავდეს მთელ საქართველოს ეს იდეები, ხომ უნდა შემოწმდეს, ვიღაც ხომ უნდა შეეკამათოს, ვიღაცამ ხომ უნდა გააკრიტიკოს? ნურას უკაცრავად! "ტაბულას" სარედაქციო მინაწერი ჯერარნახულ და ჯერარსმენილ რასმე გვამცნობს: "ჟურნალში გამოქვეყნებული მასალების ნაწილობრივი ან მთლიანი გამოყენება რედაქციის ნებართვის გარეშე აკრძალულია".
ნაწილობრივი გამოყენებაცო, გაიგეთ, ხალხნო?
ანუ, ბენდუქიძის ციტირებაც კი აკრძალულია, მისი აზრის მოყვანაც კი, საიმისოდ, რომ სხვა აზრი გამოთქვა.
სად ცხოვრობთ ხალხო?!
ამიტომ, ვერ გიამბობთ, ბენდუქუძის შედევრზე, ერთი ბიჭის ისტორიაზე, რომელიც არც მეტი არც ნაკლები დავითაა (აღმაშენებელიო თუ რაღაცა რო უწოდეს მერე). რა "საიდუმლო სირობა", რის საიდუმლო სირობა, აი, ეს დევი მზაკვარი დედას უტირებს თავის სამშობლოს, რომლის შემქმნელიც (დავითა) მხოლოდ იმით მოსწონს, რომ ყივჩაღები ჩამოასახლა. ჰაი, გიდი, როგორ არ აცალეს ჩინელების ჩამოსახლება?! რა დეისაძე, რის დეისაძე, "ჩვენი ერცახე ცახესი" უზარმაზარი ბაყბაყდევია. . .
თქვენ კი "ტაბულელებო", რა იყო, კამათის გეშინიათ?