ნანახია: 1273

ამერიკაში არჩევნები გაყალბდება?

4 ნოემბერს აშშ-ში დანიშნული საპრეზიდენტო არჩევნების შესახებ ოკიანის გაღმიდან პერმანენტულად შემაშფოთებელი ამბები ისმის. როგორც ჩანს, დემოკრატიის აკვნად წოდებულ ქვეყანაში, რომელიც ამ დემოკრატიიის ექსპორტითაა დაკავებული მთელ მსოფლიოში, ყველაფერი რიგზე არ არის. ტელეკომპანია FOX-ის დაკვეთით განხორციელებულმა სოციოლოგიურმა კვლევამ, რომელიც სოციოლოგიურმა ჯგუფმა Opinion Dynamics-მა ჩაატარა აჩვენა, რომ გამოკითხულ ამერიკელთა 61 პროცენტის აზრით, არჩევნებზე გამოხატული თავიანთი მოქალაქეობრივი პოზიციის შედეგად დამდგარი შედეგები, ფალსიფიცირებული იქნება. ამათგან 29 პროცენტს მიაჩნია, რომ ხმების გაყალბების ალბათობა, ამა თუ იმ კანდიდატის სასარგებლოდ, ძალიან მაღალია, ხოლო 32 პროცენტი, თვლის რომ ეს სავსებით შესაძლებელია. ამასთან გამოკითხულთა 35 პროცენტი არ გამორიცხავს მთლიანად არჩევნების შედეგების ფალსიფიცირებას. გამოკითხულთა 46 პროცენტი მიიჩნევს, რომ არჩევნები დემოკრატების სასარგებლოდ გაყალბდება, ხოლო 35 პროცენტის აზრით, რესპუბლიკელების სასარგებლოდ. როგორც ჩანს, ასეთი სკეფციზიზმი გამოწვეულია იმ გრანდიოზული სკანდალით, რომელიც აშშ-ში 2000 წლის საპრეზიდენტო არჩევნებს ახლდა თან. მაშინ გამარჯვებულის გამოვლენას თვეზე მეტი დრო დასჭირდა. დემოკრატი ვიცე-პრეზიდენტი ალბერტ გორი ნახევარი მილიონი ხმით უგებდა რესპუბლიკელ ამჟამინდელ ამერიკის პრეზიდენტ ჯორჯ ბუშს. როგორც გვახსოვს, არჩევნების შედეგები ოფიციალურად მიუღებელი იქნა ტექნიკური გაუმართაობის მიზეზის გამო, რომელიც ფლორიდის შტატში იყო გამოვლენილი, რის გამოც ბიულეტენები ხელით იქნა გადათვლილი და უმცროსმა ბუშმა თეთრი სახლი მხოლოდ 327 ხმის უპირატესობით დაიკავა. ამერიკის უმაღლესი სასამართლოც დაეთანხმა არჩევნების შედეგებს. ეს ყველაფერი ძალიან გავდა 2 წლის შემდეგ მარტინ სკორსეზეს მიერ გადაღებული ფილმის `ნიუ იორკის~ ბანდების სიუჟეტს.
ამერიკელ ამომრჩეველთა უმრავლესობა დარწმუნებულია, რომ 2000 წლის ისტორია არ განმეორდება. თუმცა ამომრჩეველთა ნაწილს ამაში ეჭვი მაინც ეპარება. ამერიკელთა 47% მიიჩნევს, რომ გამარჯვებული პრეზიდენტის ვინაობა არჩევნების დღის საღამოსთვის იქნება გარკვეული, 30%-ს მიაჩნია, რომ აშშ-ს ახალი ლიდერის გვარს არჩევნებიდან მეორე დღეს გაიგებს, 11%-ის აზრით ამერიკელებმა რამდენიმე დღე უნდა დაიცადონ, 9% კი მიიჩნევს, რომ ეს ლოდინი კვირაზე მეტ ხანს გაგრძელდება.
ამერიკელების სკეპტიციზმს ისიც უწყობს ხელს, რომ მიმდინარე საარჩევნო კამპანია, ომის შემდგომ ამერიკაში, ყველაზე ბინძური და დაუნდობელია.