ამერიკის პარლამენტის ზედა პალატამ დაბლოკა პრეზიდენტ ბარაკ ობამას გეგმა, 447 მილიარდ დოლარზე, რომელიც დამატებით მილიონი სამუშაო ადგილის შესაქმნელად უნდა გამოყოფილიყო. სახელმწიფოს მმართველმა რესპუბლიკელები საბოტაჟში დაადანაშაულა და დაპირდა, რომ კონგრესის საშუალებით მაინც გაიტანდა ამ გეგმას. ექსპერტები დარწმუნებულები არიან, რომ ამ მარცხის შემდეგ, ეს გეგმა 2012 წლის საპრეზიდენტო არჩევნებამდე ვერ შეძლებს უმუშევრობის დონის შემცირებას 9.1%-ით.
გრძელვადიანი გეგმა პირდაპირ დახმარებას პირდება შტატებს და ადგილობრივ მმართველობებს, უმუშევრებს დახმარების გახანგრძილვებას, დასაქმებულ ამერიკელებსა და მცირე ბიზნესის მფლობელებს გადასახადების შემცირებას, ინფრასტრუქტურაზე ხარჯების გაზრდას, რაც პერსპექტივაში სამუშაო ადგილების შექმნას შეუწყობს ხელს, პირველ რიგში, მშენებლებისა და პედაგოგებისთვის. ძვირადღირებულმა პროექტმა ვერ მიიღო საჭირო 60 ხმა (50 დაეთანხმა, 49 არ დაეთანხმა). ახლა კი დემოკრატები სენატში 100 ადგილიდან 53 აკონტროლებენ.
"ხმისმიცემის შედეგები არ ნიშნავს ბრძოლის დასრულებას, საბოლოო ჯამში, ამერიკელი ხალხი არ მიიღებს პასუხს "არა".
კონგრესმა დროზე უნდა შეასრულოს თავისი ვალდებულებები, უნდა გადადოს შიდა პარტიული ბრძოლა და სწრაფად მიიღოს ზომები დასაქმების ასამაღლებლად", – განაცხადა ბარაკ ობამამ.
მაგრამ, ჩანს, რესპუბლიკელები ჯერ არ არიან მზად "გონებას მიყვნენ და ამერიკელების ვედრება შეისმინონ", უბრალოდ ფიქრობენ, რომ პროექტი არაეფექტური იქნება.
სენატორმა მიჩ მაკკონელმა შემოთავაზებულ პროექტს "შეძლებული იდეა" უწოდა, რომელიც მას 2009 წელს შემოთავაზებულ სტიმულირების გეგმას ახსენებს, და რომელიც 825 მილიარდი დოლარი ჯდებოდა, თუმცა განსაკუთრებული შედეგი მას არ მოუტანია. `თუ ხმას სტიმულირების წინააღმდეგ მისცემთ – ეს ერთადერთი საშუალებაა აიძულო დემოკრატები, უარყონ წინასწარ მარცხისთვის განწირული სამუშაო ადგილების შექმნის პროექტი", – განაცხადა ბატონმა მაკკონელმა. "ორივე მხარე მოქმედებდა თავიანთი ინტერესების ფარგლებში. ობამას ამომრჩევლებს შორის, ეს გეგმა ძალიან პოპულარულია, ისინი მხარს უჭერენ სახელმწიფო ხარჯების ზრდას, მაღალი უმუშევრობის ფონზე. რესპუბლიკელების ამომრჩევლები კი უმუშევრობაზე ხარჯების გაწევას არ ამართლებენ", – განაცხადა პოლიტიკური ტექნოლოგიების ცენტრის გენერალური დირექტორის შემცვლელმა ამეკსეი მაკარკინმა.
ამ ქვეყანაში დარწმუნებულები არიან, რომ რესპუბლიკელების წინააღმდეგობა და ასევე მათი მხრიდან კონსტრუქციული წინადადებების წამოყენება მიანიშნებს მხოლოდ ერთზე, რომ მათ სურთ პრეზიდენტის შეცვლა 2012 წლის არჩევდნებამდე. "ახლა რესპუბლიკელები გამოდიან ჩვენი იდეების წინააღმდეგ, რადგან ისინი სამუშაო ადგილების შექმნას შეუწყობდნენ ხელს. ისინი კი ფიქრობენ, რომ თუ ეკონომიკური სიტუაცია გამოსწორდება, ეს პრეზიდენტ ობამას წაადგება. ამიტომ, ისინი აკეთებენ ყველაფერს, რომ ეკონომიკური სიტუაცია გაუარესდეს და ეწინააღმდეგებიან სიტუაციის გაუმჯობესების ნებისმიერ მცდელობას", – განაცხადა სენატში უმრავლესობის ლიდერმა ჰარი რეიდმა.
ექსპერტების აზრით, რესპუბლიკელების სიჯიუტემ შესაძლებელია ბატონ ობამას გაუჩინოს დამატებითი პრობლემები, ისე, რომ ის მთავარ დაპირებას ვერ შეასრულებს და ვერ დაწევს უმუშევრობის ნიშნულს. თუმცა, ამომრჩევლები მაინც ქვეყნის მოქმედ ლიდერს დაუჭერენ მხარს, დემოკრატები კი პროექტის მარცხს თავიანთ სასარგებლოდ გამოიყენებენ. "ობამას საარჩევნო კამპანია ემთხვევა კონგრესის საარჩევნო კამპანიის დროს. ამიტომ დემოკრატები მობილიზებას უკეთებენ მხარდამჭერებს, არწმუნებენ მათ, მხარი დაუჭირონ არა მხოლოდ მოქმედ პრეზიდენტს, არამედ მათ წარმომადგენლებსაც, რათა შეცვალონ არსებული სიტუაცია, მაშინ როდესაც სენატში მათ საკმარისი უმრავლესობა არ ჰყავთ, ხოლო წარმომადგენლობით პალატაში ისინი უმცირესობაში არიან", – თვლის ბატონი მაკარკინი.
дикоросыმოამზადა ეკა ღვინჯილიამ
რეგისტრაცია!
