გერმანიის ყოფილი კანცლერი გერჰარდ შრედერი ფიქრობს, რომ ევროკავშირისთვის აუცილებელია ერთიანი ფისკალური, ეკონომიკური და სოციალური პოლიტიკა და გამოდის ინიციატივით ,შეიქმნას "ეშშ”, ანუ ევროპის შტატები.
აღნიშნულის შესახებ პოლიტიკოსმა "შპიგელისთვის ” მიცემულ იმტერვიუში ისაუბრა.
- ამჟამინდელმა კრიზისმა უმოწყალოდ გამოაშკარავა, რომ არ შეგვიძლია გვქონდეს ევროს საერთო ზონა ფისკალური, ეკონომიკური და სოციალური პოლიტიკის გარეშე. მოგვიწევს, ეროვნულ სუვერენიტეტს შეველიოთ,- ამბობს გერჰარდ შრედერი.
მისი იდეის თანახმად , ევროკომისია მთავრობად უნდა გადაიქცეს, რომელიც ევროპარლამენტის კონტროლს დაექვემდებარება ,რაც ევროპის შეერთებული შტატების ჩამოყალიბებას ნიშნავს.
ასევე , შრედერი მხარს უჭერს გერმანიის ამჟამინდელი კანცლერის ანგელა მერკელისა და საფრანგეთის პრეზიდენტის ნიკოლა სარკოზის ინიციატივას , რაც საბიუჯეტო პოლიტიკის სფეროში სუვერენიტეტზე უარის თქმის ტოლფასია.
- კრიზისი გვაძლევს რეალურ შესაძლებლობას , მივაღწიოთ ევროპის პოლიტიკურ კავშირს, - მიიჩნევს შრედერი.
მისივე თქმით , მხოლოდ სრული ინტეგრაცია მისცემს ევროკავშირს საშუალებას ,კონკურენცია გაუწიოს ამერიკას და აზიის ქვეყნებს , თუმცა ასეთი ინტეგრაციის თვალსაზრისით ყველაზე დიდ პრობლემას ბრიტანეთი წარმოადგენს , რომელიც ევროზონაში არ შედის , მაგრამ ყოველთვის სურს, მონაწილეობა მიიღოს პროცესებში, რომელიც ევროპის სივრცის ეკონომიკურ არქიტეკტურას ეხება.
ევროპის ქვეყნების პირველ პირებს , ოფიციალურ წარმომადგენლებსა და ექსპერტებს შრედერის მოსაზრებასთან დაკავშირებით ჯერჯერობით თავიანთი პოზიცია არ დაუფიქირებია.
რეგისტრაცია!
