იულია ტიმოშენკოს ბლოკმა საკუთარ საიტზე განათავსა განცხადება, რომელშიც იუწყება, რომ პეჩორის რაიონულმა სასამართლომ `ბატკივშჩინის~ ლიდერის, იულია ტიმოშენკოს დაპატიმრების გადაწყვეტილება მიიღო.
გაზეთ "უკრაინას" ცნობით, პეჩორის სასამართლომ გამოძიების ჩატარების მიზნით, სამართალდამცავ ორგანოებს ტიმოშენკოს პროკურატურაში მიყვანა უბრძანა.
დღეს ტიმოშენკო გენერალურ პროკურატურაში საკუთარი ფეხით მივიდა, მაგრამ მოგვიანებით, გენპროკურატურის წარმომადგენელმა განაცხადა, რომ გენპროკურატურას აქვს სასამართლოს მიერ მიღებული დადგენილება, რომელიც იულია ტიმოშენკოს დაკავებასა და სასამართლოს წინაშე მის წარდგენას ითვალისწინებს.
დეკემბრის ბოლოს გენერალურმა პროკურატურამ ექს–პრემიერს იმ თანხების არამიზნობრივ გახარჯვაში დასდო ბრალი, რომელიც უკრაინამ კიოტოს პროტოკოლის ფარგლებში მიიღო. ტიმოშენკოს წინააღმდეგ ასევე აღძრულია საქმე სასწრაფო დახმარების ათასი ავტომობილის შეძენით ბიუჯეტისთვის ზარალის მიყენების ბრალდებით.
რეგისტრაცია!
