WikiLeaks -ის საიტის დამაარსებელმა, ჯულიან ასანჟმა ისაუბრა მის ხელთ არსებული დოკუმენტების შესახებ, რომლებიც მან შემოინახა გამოსაქვეყნებლად იმ შემთხვევისთვის, თუ მას ან მის რესურსებს რაიმე დაემართებოდა. ასანჟის ინტერვიუ გამოქვეყნდა ჟურნალ Statesman New The -ის 13 იანვრის ნომერში.
ამ ფაილების შემცველობა ასანჟმა არ გაამხილა, თუმცა აღნიშნა, რომ ფრთხილად უნდა იყოს არა მარტო აშშ-ს მთავრობა, არამედ მედიამაგნატი რუპერტ მერდოკიც. WikiLeaks-ის დამაარსებლის განცხადებით, მას აქვს 504 დიპლომატიური დეპეშა, რომელიც ეხება მერდოკსა და მის კორპორაცია News Corp-ს.
რა კავშირი აქვს მერდოკს ასანჟის უსაფრთხოებასთან და კონკრეტულად რას ეძღვნება ზემოხსენებული დეპეშები, ასანჟმა არ დააზუსტა, მხოლოდ აღნიშნა, რომ თუ მას ან WikiLeaks-ს შეემთხვევათ რაიმე სახის უსიამოვნებები, მისი “დამზღვევი” მასალები გამოქვეყნდება. ასანჟის გადაწყვეტილებამ გაიჟღერა მას შემდეგ, რაც მისმა ადვოკატებმა თქვეს, რომ იგი შეიძლება აშშ-მა მკვლელობით დასაჯოს ექსტრადაციის შემთხვევაში. ამავე დროს WikiLeaks-ის დამაარსებელი, რომელიც ამჟამად იმყოფება დიდ ბრიტანეთში, შეიძლება ჩააბარონ შვედეთს, სადაც იგი ეჭვმიტანილია სექსუალური ხასიათის დანაშაულში. ექსტრადიციის შესახებ მოსმენა დაგეგმილია 7 და 8 თებერვალს.
იმ შემთხვევაში, თუ ასანჟს დააპატიმრებენ ან მოკლავენ, მან დადო პირობა, რომ იგი გაამხელს ყველა მის ხელთ არსებულ საიდუმლო დოკუმენტს. ამისთვის ფაილების გაცვლის ქსელებში დაიდო ფაილი insurance.aes256 ზომით 1,4 გიგაბაიტი, რომელიც მიიჩნევა, რომ შეიცავს ამერიკელი დიპლომატების დეპეშებს. ფაილი დაშიფრულია და სწორედ ეს შიფრი გამოქვეყნდება თუ ასანჟს საფრთხე დაემუქრება.
დავით ჯანაშია
რეგისტრაცია!
