წამყვანმა რუსულმა ავიაგადამზიდმა სს "აეროფლოტ - რუსულმა ავიახაზებ"-მა მიმდინარე წლის მესამე კვარტალში თავისი მოგება საგრძნობლად გაზარდა. საბუღალტრო აღრიცხვის რუსული სტანდარტებით, 2010 წლის ივლის-სექტემბრის მონაცემებით, ავიაკომპანიამ 7,92 მილიარდი რუბლი გამოიმუშავა, - ეს 86%-ით მეტია, ვიდრე შარშან ამ შუალედში იყო. კვარტალური აღრიცხვებით, "აეროფლოტის" მოგება ორჯერ მეტჯერ გაიზარდა.
კომპანიაში მკვეთრი მოგების ზრდას მგზავრთა რიცხვის გაზრდითა და ასევე, შვეიცარიის ფედერალური მოსამართლის გადაწყვეტილებით, მათ ანგარიშზე დარიცხული 53,4 მილიონი შვეიცარული ფრანკით, ხსნიან. მოცემული თანხა ავიაკომპანიას 2010 წლის 7 ივლისის გადაწყვეტილებით მიანიჭეს, სს "აეროფლოტისთვის" ფულადი სახსრების მოპარვის ფარგლებში.
ადრე ავიაკომპანიამ სასამართლოში საქმე ოლიგარქ ბორის ბერეზოვსკის კონტროლის ქვეშ მყოფ შვეიცარულ კომპანია Andava-ს მოუგო, რომელსაც "აეროფლოტის" ფინანსური სახსრების მოპარვაში ადანაშაულებდნენ. საქმე სასამართლოში 10 წელი გრძელდებოდა და რუსული ავიაკომპანიის გამარჯვებით დასრულდა.
გამოძიების შედეგებით, "აეროფლოტის" ფინანსური სახსრების დასაუფლებლად ბერეზოვსკიმ სახელმწიფო მაღალჩინოსნებთან კავშირების გამოყენებით, ავიაკომპანიის ხელმძღვანელობაში თავისი თანამოაზრეების - ნიკოლაი გლუშკოვისა და ალექსანდრ კრასნენკერას დანიშვნა მოახერხა. ამ უკანასკნელებმა "აეროფლოტის" საზღვარგარეთის ფილიალების ფულადი მოგების 80%-ი, კომპანია Andava-ს ანგარიშზე გადარიცხეს.
საერთო ჯამში, მოცემული ფირმის სასარგებლოდ, რუსული ბანკების უფლებათა გვერდის ავლით, გადარიცხულ იქნა 252 მილიონი დოლარი. ამ სავალუტო სახსრების განკარგვაზე უფლების მიღების შემდეგ, ორგანიზებულ დამნაშავეთა ჯგუფმა, რომელსაც ბორის ბერეზოვსკი მეთაურობდა, "აეროფლოტსა" და Andava-ს შორის მოლაპარაკებათა შესრულების სახით ფულადი სახსრების მოპარვის მექანიზმი შექმნა, რომლის რეალიზებაშიც, გლუშკოვისა და კრასნენკერას გარდა, სს "აეროფლოტის" მთავარი ბუღალტერი ლიდია კრიჟევსკაია და სხვა პირები მონაწილეობდნენ. ამ დანაშაულის გახსნისა და სისხლის სამართლის აღძვრის მომენტში (1999 წელს), ბერეზოვსკიმ და მისმა თანამზრახველებმა, "აეროფლოტისთვის" დაახლოებით 52,2 მილიონი დოლარის მოპარვა მოასწრეს, რომელიც მხოლოდ ახლა დაბრუნდა ავიაკომპანიის ანგარიშზე.
რეგისტრაცია!
