ნანახია: 569

აზერბაიჯანის სახელმწიფო ნავთობფონდის (ასნფ) შექმნიდან მოყოლებული (1999 წლის დეკემბერი), ფონდის შემოსავლებმა 40 მილიარდი დოლარი შეადგინა, რომლიდანაც 20 მილიარდი უკვე დახარჯულია, - განაცხადა ასნფ-ს აღმასრულებელმა დირექტორმა შახმარ მოვსუმოვმა აზერბაიჯანის პარლამენტში გამართულ სხდომაზე, სადაც 2011 წლის სახელმწიფო ბიუჯეტის პროექტს განიხილავდნენ.
"ფონდის შემოქმედების საერთო სტრატეგიის თანახმად, შემოსავლების ნახევარი მომავალი თაობისთვის არის შენახული", - თქვა მოვსუმოვმა.
მისი თქმით, ხარჯების ძირითადი ნაწილი სახელმწიფო ბიუჯეტში ტრანსფერების სახითაა განხორციელებული, დანარჩენი ნაწილი კი აზერბაიჯანისა და მთლიანი რეგიონის სტრატეგიულად მნიშვნელოვანი პროექტების დაფინანსებაში. მათ შორისაა, ნავთობსადენ ბაქო-თბილისი-ჯეიჰანის პროექტში აზერბაიჯანის წილის ფინანსირება, პროექტ ბაქო-თბილისი-ყარსის რკინიგზის მშენებლობა, დევნილთა კეთილდღეობა და იძულებით გადაადგილებულთა დაფინანსება.
ნავთობშემოსავლების გრძელვადიანი სტრატეგიული მართვის თანახმად, რომელიც 2004 წელს პრეზიდენტის მიერ დამტკიცდა, ფონდში შემოსავლების 25%-ი შენახულ უნდა იქნას, მაგრამ დღესდღეობით ფონდის განკარგულებაში შემოსავლების 50%-ზე მეტია, - განაცხადა მოვსუმოვმა.

დიმიტრი ლელაძე