ნანახია: 831

გავლენიანი გერმანული გაზეთი "ალგემაინე ცაიტუნგი" სტატიაში _ "ტრანზიტული ხელშეკრულებების ხელმოწერის ეტაპი ნაბუკოს პროექტში" _ წერს, რომ ევროკავშირისთვის ამ მეტად მნიშვნელოვანი მილსადენის მშენებლობის გასაღებს აზერბაიჯანის ბუნებრივი აირი წარმოადგენს.
სტატიის ავტორი, ექსპერტი ენერგოსაკითხებში ვარნერ სტურბეკი, აცხადებს, რომ კონსორციუმი ნაბუკო, რომელშიც ექვსი კომპანია შედის, მოლაპარაკებას აწარმოებს სამ ტრანზიტულ ქვეყანასთან. ერთ-ერთ ფაქტორად, რომელიც ზრდის პროექტის შესაძლებლობას, წარმოადგენს აზერბაიჯანსა და თურქეთს შორის ხელმოწერილი ხელშეკრულება. კონსორციუმი სატრანზიტო ხელშეკრულების ხელმოწერას სექტემბერში აპირებს.
კონსორციუმის წევრი კომპანიის, RWE-ის ხელმძღვანელმა იურგან გროსმანმა განაცხადა, რომ მიმდინარეობს მოლაპარაკება აზერბაიჯანთან, თურქმენეთთან და ერაყთან. წარმატებული მოლაპარაკებების შემთხვევაში, 2014 წლისთვის აზერბაიჯანის, შუა აზიისა და ერაყის ბუნებრივი გაზის ტრანსპორტირება ევროპაში თურქეთის გავლით იქნება შესაძლებელი.