ნანახია: 509

ჯორჯ სოროსმა თავის 80 წლის იუბილეზე დაასკვნა, რომ ბაზარს სახელმწიფო უნდა აკონტროლებდეს

თანამედროვეობის ერთ-ერთი ყველაზე მსხვილი ფინანსისტი ჯორჯ სოროსი 12 აგვისტოს 80 წლის იუბილეს აღნიშნავს.
მსოფლიო აღიარება სოროსმა იმ დღეს მოიპოვა, რომელიც მსოფლიო ეკონომიკის ისტორიაში "შავი ოთხშაბათის" სახელით არის ცნობილი - ეს იყო 1992 წლის 16 სექტემბერი.
რამდენიმე საათის განმავლობაში უჩვეულოდ მარჯვე სპეკულაციური ოპერაციის ხარჯზე სოროსმა, რომელიც ინგლისური გირვანქა სტერლინგის წინააღმდეგ იბრძოდა, ინგლისის ბანკი, შეიძლება ითქვას, დააჩოქა და დიდ ბრიტანეთს ევროპის სავალუტო გაცვლითი მექანიზმიდან გასვლა აიძულა.
ამასთან თავად იმ დღეს 1 მლრდ დოლარი გამოიმუშავა. მას შემდეგ სოროსს ყოველთვის ახასიათებენ როგორც "ადამიანს, რომელმაც ინგლისის ბანკის გატეხვა შეძლო".
ბოლო დროს ჯორჯ სოროსმა ფინანსური აქტივობა შეამცირა და ჰუმანიტარული და ფილანტროპული საქმიანობა გააფართოვა. მან ასევე რამდენიმე წიგნი გამოსცა, სადაც თანამედროვე საზოგადოების ანალიზს იძლევა. ბოლოდროინდელ ნამუშევრებში ის ასკვნის, რომ საბაზრო ეკონომიკას მუდმივი თვითრეგულაცია არ შეუძლია. მას ძლიერი მთავრობისა და საზოგადოების ხელმძღვანელობა სჭირდება, რათა "ეკონომიკური ეგოიზმის სიჭარბის კორექცია შეძლოს".
თავისი ფონდის შოროს Fund Managment-ის ყოვედლდღიური მმართველობიდან ჩამოშორების მიუხედავად, მის სტრატეგიულ ხელმძღვანელობას დღესაც თავად ახორციელებს. საქმიანი წრეების ინფორმაციით, დღესდღეობით სოროსი, ბომბეის საფონდო ბირჟის ხელში ჩაგდების მიზნით, გარიგებაზე მუშაობს, ასევე აქტიურად დებს ინვესტიციებს ინტერნეტ-კომპანია Aლიბაბა.ცომ-ში, რომელიც მსოფლიო ქსელის ჩინურ სექტორში სხვადასხვა საქონლის ვაჭრობით არის დაკავებული.