ნანახია: 429

აშშ-ის კონგრესმა ხუთშაბათს "დიდი დეპრესიის" შემდგომ საფინანსო სისტემის ყველაზე "ღრმა" რეფორმას უყარა კენჭი, რის შემდეგაც კანონპროექტი ხელმოსაწერად ქვეყნის პრეზიდენტს, ბარაკ ობამას გადაეგზავნა.
Reuter-ის ინფორმაციით, საფინანსო სექტორის კონტროლის გამკაცრების კანონპროექტს 60-მა კონგრესმენმა მისცა ხმა, ხოლო 39 წინააღმდეგ გამოვიდა.
კანონპროექტის მიღების მიზანია 2007-2009 წლების ფინანსური კრიზისის გამოერების თავიდან აცილება.
თავდაპირველად Wall Street-ი იბძოდა კანონპროექტის დღის წესრიგიდან მოსახსნელად. აშშ-ის საქმიან წრეებს არ მოსწონდათ, რომ კანონპროექტი მომხმარებელთა უფლებების დაცვის ახალ სისტემას შეიცავს, მარეგულირებლებს პრობლემური კომპანიების გასაუქმებლად მეტ ბერკეტებს აძლევს, ზღუდავს სარისკო ფინანსური ინსტრუმენტების გამოყენებას, რამაც შესაძლოა ბანკების მოგება შეამციროს.
"იმ შემთხვევაში, თუ თქვენი ბიზნესი არაა აწყობილი კლიენტების მოტყუებაზე, ამ რეფორმის შედეგებმა არ უნდა შეგაშინოთ", - მიმართა ობამამ კანონპროექტის მოწინააღმდეგეებს.
მოსლოდნელია, რომ ობამა დოკუმენტს ხელს მომავალ კვირას მოაწერს, რის შემდეგაც მას კანონის ძალა მიენიჭება.