პოლიტოლოგ ვაჟა ბერიძის განცხადებით, სამოქალაქო რეესტრის მიერ ბიზნესმენ ბიძინა ივანიშვილისთვის საქართველოს მოქალაქეობის შეწყვეტა, “ნაციონალურ მოძრაობასა” და ხელისუფლებას უსუსურად წარმოაჩენს.
როგორც პოლიტოლოგმა “მედიანიუსს” განუცხადა, ივანიშვილთან ბრძოლის ამგვარი მეთოდები საქართველოს ხელისუფლებას ხალხში ავტორიტეტს არ მატებს, რადგან პოლიტიკური კონკურენციის ამგვარი ფორმა სრულიად მიუღებელია.
“ბიძინა ივანიშვილის გამოცხადება მსოფლიო მოქალაქედ არის ჩვენი ხელისუფლების უსუსურობის გამოვლინება. მე რ ვისურვებდი, რომ საქართველოს მმართველი პარტია და ხელისუფლება ასეთ უსუსურ არგუმენტებს იშველიებდეს ისეთი ოპონენტის წინააღმდეგ საბრძოლველად, როგორიც ბიძინა ივანიშვილია. როდესაც ივანიშვილი უზარმზარ ფულს დებს გაჩანაგებული სოციალური ინფრასტრუქტურის აღდგენაში, განახლეებს საჯარო ბიბლიოთეკას, ივანე ჯავახიშვილის სახელობის სახელმწიფო უნივერსიტეტს, აშენებს უამრავ ობიექტს, “ციცინათელას”, საბაგირო გზას ბაკურიანში და სხვა, ამ დროს იგი საქართველოს მოქალაქეა და როდესაც აცხადებს პრეტენზიას, რომ პოლიტიკური პარტიის შექმნას სურს, მაშინ აღმოჩნდება, რომ ის მოქალაქეობიდან გასულია? რამდენი წლის შემდეგ? მინდა გითხრათ, რომ ასეთი მეთოდებით ივანიშვილის წინააღმდეგ ბრძოლა ჩვენს ხელისუფლებას ავტორიტეტს ნამდვილად არ მატებს”, - განაცხადა ბერიძემ.
რეგისტრაცია!
