მიმდინარეობს ვაჭრობა მთიანი ყარაბაღის გამორუსული ვებ-გვერდი `რეგნუმი~ საინტერესო ინფორმაციას ავრცელებს. ამ ინფორმაციის თანახმად მთიან ყარაბაღზე ხელის აღების სანაცვლოდ, კომპენსაციის სახით, ერევანი ტრაბზონს მიიღებს, ბაქო კი “დიდ აზერბაიჯანს”. მართალია “რეგნუმი” მედიისთვის ბოლო დროს დამახასიათებელ მზაკვრობას იყენებს და სათაურის შემდეგ კითხვის ნიშანს სვამს, მაგრამ ყოველგვარი დაეჭვების გარეშე საკმაოდ საყურადრებო ინფორმაციას გვაწვდის.
“რეგნუმის” თანახმად, ივლისში თურქეთში ვიზიტისას, ამერიკის სახელმწიფო მდივანმა ჰილარი კლინტონმა კავკასიასა და მახლობელ აღმოსავლეთში კონფლიქტების დარეგულირებაზე საუბრისას ერთობ საიმედო პერსპექტივა დახატა. კლინტონის აზრით, კონფლიქტის ზონაში განთავსდებიან მშვიდობისმყოფელები, ამავე დროს დაპირისპირებული მხარეები მიიღებენ საკომუნიკაციო და ტერიტორიულ კომპენსაციებს. “რეგნუმი” “ინფორმირებულ წყაროს” ეყრდნობა.
ეს წყარო ამცნობს “რეგნუმს”, რომ თურქეთის ხელისუფლების პირველ პირებთან კონსულტაციებისას, კლინტონმა აღნიშნა: “ჩვენ - აშშ-ს და თურქეთს სომხეთის ვალი გვაქვს, ის, რაც მას დაპირდა ჯერ კიდევ პრეზიდენტი ვუდრო ვილსონი”. თავის დროზე ვილსონი შეპირდა სომხებს და ეს აისახა სევრის ხელშეკრულებაში, რომელიც ძალაში არ შესულა, რომ სომხებს უნდა ჰქონოდათ გასასვლელი ზღვაზე, ტრაბზონის პორტის მეშვეობით.
აქ, შესაძლოა, მსჯელობა მიდის ტრანზიტულ დერეფანზე სომხეთიდან თურქული პორტის ტრაბზონის გავლით სომხეთ-თურქეთის ციურიხის ოქმების რატიფიკაციისა და სომხეთ-თურქეთის საზღვრის გახსნის შემდეგ. წყაროს თანახმად, კომპენსაცია აზერბაიჯანისთვის ხორციელდება ბაქოში ამერიკის ელჩის, მეთიუ ბრაიზას ხელმძღვანელობით და მიმართულია “დიდი აზერბაიჯანის” შექმნისკენ.
რამდენად უტყუარია “რეგნუმის” წყაროს ინფორმაცია, ძნელი სათქმელია. არც ის არის გამორიცხული, რომ რუსეთი, ან სხვა რომელიმე დაინტერესებული მხარე საინფორმაციო დივერსიას მიმართავს, რათა რეგიონში წამყვანი მოთამაშეების ინტერესები შენიღბული იქნას.
ლევან მზიანიშვილი
რეგისტრაცია!
