პრეზიდენტს გულწრფელად სურს ქვეყნის წინსვლა, მაგრამ სხვადასხვა უწყების ქუთაისში გადატანამ ეკონომიკა, როგორ უნდა ააყვავოს, მართლაც საინტერესოა. ვფიქრობ, სჯობს სამინისტროები გადავიტანოთ, პირველ რიგში. მაშინ კი მოაწყდება ქუთაისს და დასავლეთ საქართველოს უამრავი ტურისტი ვერონიკა ქობალიას, ხათუნა კალმახელიძის, კობა სუბელიანის და ნიკა გილაურის სანახავად. ხოლო თავისუფალ უნივერსიტეტსაც თუ გადავიტანთ საფიჩხიაზე, მავზოლეუმზე დიდი რიგები დადგება კახა ბენდუქიძის მოსახილავად.
მიხეილ სააკაშვილმა ბაღდათის რაიონის სოფელ ვარციხეში ახლადაშენებული ტურისტული კომპლექსი გახსნა. მისი თქმით, ეს ეკონომიკის ნაწილია და კარგია სოფლის მეურნეობისა და ტურიზმის განვითარებისათვის.
კომპლექსში `ვარციხე-ვილა” ერთდროულად 50 ტურისტის მიღებაა შესაძლებელი. აქ ორი ხელოვნური ტბა, მდინარე და ტყეა. ტურისტულ კომპლექსში აგროტურიზმის განვითარებისთვის ერთდროულად ყველა პირობაა შექმნილი.
`ვარციხე-ვილა”, ფაქტიურად ქუთაისშია, რომლის მოსახლეობა 210 ათასია. მაქსიმუმ, ხუთ წელიწადში ეს მაჩვენებელი 300 ათასს მიაღწევს. ქუთაისი-ფოთი-ბათუმი მილიონიან (მოსახლეობის რაოდენობის მიხედვით) სამკუთხედს ქმნის, ამიტომ ასეთ ადგილებს განსაკუთრებული მნიშვნელობა აქვს”, - აღნიშნა პრეზიდენტმა.
ახალი ცენტრი გათვლილია როგორც უცხოელ ტურისტებზე, ისე საოჯახო ტურებზე. კომპლექსი ამ მეურნეობაში წარმოებული ნატურალური პროდუქტებით მარაგდება. `ვარციხე-ვილა” ოფიციალურად 19 ივლისს გაიხსნება და პირველ დამსვენებლებსაც მიიღებს.
რეგისტრაცია!
