უცხოური კომპანიებისათვის თბილისურ დაუმთავრებელ მშენებლობებში ფულის ჩადება მომგებიანი აღარ არის – ამის შესახებ რადიო “კომერსანტთან” უძრავი ქონების სააგენტო “გორო ჯგუფის” ხელმძღვანელი აკეთებს. ამ სააგენტოსთან პარტნიორობით ისრაელური კომპანიები კაპიტალის დაბანდებას დაუმთავრებელ მშენებლობებში გეგმავდნენ.
“გორო ჯგუფის” ხელმძღვანელი არ უარყოფს, რომ პროცესი გაჭიანურდა. მიზეზად რამდენიმე ფაქტორს ასახელებს, მათ შორის თბილისის მერიის “ძველი თბილისის ახალი სიცოცხლის” ახალ ეტაპს, რომლის საფუძველზეც კომპანიებს ბინების 400 დოლარად გარანტირებული გაყიდვის საშუალება მიეცათ და მათთვის უცხოელი ინვესტორების დაინტერესება ისეთი ხელსაყრელი აღარ არის. შედარებით წვრილ კომპანიებს საკმაოდ რთული მდგომარეობა აქვთ და მათით თავად ინვესტორები არ ინტერესდებიან.
ამ ფონზე ცნობილი ხდება, რომ ერთ-ერთმა ისრაელურმა კომპანიამ თავად დაიწყო ორი ობიექტის მშენებლობა. ერთის ბაგებში, ხოლო მეორის დიდ დიღომში. მათში 8 მილიონი დოლარის ინვესტიცია ჩაიდება.
რეგისტრაცია!
