ნანახია: 365

თბილისური "შერატონის” რეკონსტრუქცია დაიწყო. ეს პროცესი ერთ წელიწადში უნდა დასრულდეს. თუმცა, რეკონსტრუქცია ეტაპობრივად მოხდება და სასტუმროს ფუნქციონირებას ხელს არ შეუშლის.
მთლიანად პროექტის განხორციელება 16 მილიონი დოლარი ჯდება. განახლებული "შერატონი” მომხმარებელს სხვადასხვა სიახლეებთან ერთად ბიზნეს ცენტრსაც შესთავაზებს. შეგახსენებთ, "შერატონი” "სტარვუდის" სასტუმროებისა და კურორტების საერთაშორისო კორპორაციის ბრენდია. სასტუმროების მსოფლიო ბრენდებიდან თბილისში ის ყველაზე პირველი შემოვიდა.
სასტუმრო დღეს არაბი შეიხის საკუთრებაა. საქართველოს მთავრობის სტუმარმა შეიხმა, რომელსაც თბილისი მოეწონა, ქალიშვილი აწვია საქართველოს დედაქალაქს. შეიხის ასულმა, ჩაუარა რა "შერატონ- მეტეხს" მოეწონა სახლი იგი, წამოართული ჰავლაბრის კბოდესა ზედა და მამას მობაილით შეუძახა: ახლა, ერთ ლამაზს სახლს ჩავუარე, ამბობენ, სასტუმროა და ხომ არ მიყიდიო.
რაზეა ბაასიო, მამამ, თუ გინდა, მაგათ, მთავრობის სახლი აქვთ, ერთი ისიც მიაყოლე და იყიდეო.
იმჯერად შეიხის ასულმა მხოლოდ `შერატონ-მეტეხი პალასი~ ინება და გადავრჩით, თორემ, იმ არაბული საზომით, ღარიბ შეიხს, შეიძლებოდა მთავრობის სახლიც ეყიდა და სახელმწიფო კანცელარიაც, გილაურიან, ბაქრაძიან, პარლამენტარებიან, მინისტრებიანად.