მშენებლებს იმედი აქვთ, რომ ახალი წლიდან უძრავ ქონებაზე ფასები 15-20%-ით გაიზრდება. ამის ერთ-ერთი მიზეზი, ძველი თბილისის რეაბილიტაციის პროექტი და დასრულებული სახლების სიმცირეა. თუმცა, რეალური სიტუაცია, მსგავსი ოპტიმიზმის საშუალებას არ იძლევა.
თბილისში უძრავ ქონებაზე ფასები მართლაც მოექცა შედარებით ზომიერ კალაპოტში. თუმცა, უძრავი ქონების ბაზარზე აქტივობა, პარქტიკულად უმნიშვნელოა.
უძრავი ქონების ექსპერტთა აზრით, უკვე დიდი ხანია თბილისში ბინების ფასები ერთ ადგილას გაიყინა და მათზე მოთხოვნაც რეალურად არ არსებობს. ბინებზე ფასების ზრდას კი მენაშენეთა ნაწილი იმიტომ ვარაუდობს, რომ მოსახლეობაში ბინებზე მოთხოვნა გაზარდოს.
”ვინ იყიდის ამ ბინებს? უნდა იყიდოს ქართველმა. თბილისში ხომ ძირითადად უძრავ ქონებას ქართველი ყიდულობს, შეიძლება 5 უცხოელმა იყიდოს. ფასებზე, ამ უცხოელების ნაყიდი 5 ბინა ვერ იმოქმედებს, ეს გამორიცხულია. მარტივი თემაა - ადამიანებს, ვინც უნდა იყიდონ ეს ბინები, არ აქვთ ფული. ასეთ ვითარებაში როგორ უნდა მოხდეს ფასების გაძვირება. ეს საუბარი იმიტომ არის, რომ მაკლერების სურვილია, უძრავ ქონებაზე ფასების გაზრდა იწინასწარმეტყველონ, მაგრამ ასე არ მოხდება.
ასეთი დაბალი ფასები, რაც დღეს არის, იქნება მანამ, სანამ მოთხოვნა არ გაიზრდება, ჩვეულებრივი საბაზრო ეკონომიკაა. რეალური მოთხოვნა უძრავ ქონებაზე არ არის ანუ იმ ადამიანებზე ვსაუბრობ, ვისაც ფული აქვს. როცა ფული არ აქვს ადამიანს, შესაბამისად, ვერ ყიდულობს, ამ დროს კი მოთხოვნა და ფასები იკლებს”, - განმარტავს უძრავი ქონების ექსპერტი ნიკო კახეთელიძე.
რეგისტრაცია!
