ნანახია: 616

"საქართველოს ბანკი" 15 ოქტომბრიდან დეპოზიტებზე საპროცენტო განაკვეთს დაწევს. განაკვეთი შემცირდება 0.25%-ითა და 0.5%-ით, დეპოზიტის ტიპის მიხედვით. მიმდინარე წლის მაისის თვიდან, "საქართველოს ბანკში" კლიენტთა დეპოზიტები მნიშვნელოვნად იზრდებოდა. ზრდამ პიკს აგვისტოს თვეში მიაღწია, როდესაც ბანკის კლიენტთა მთლიანი დეპოზიტები 72.6 მლნ. ლარით გაიზარდა, მათ შორის ფიზიკური პირების დეპოზიტების ზრდამ 50 მლნ. ლარს გადააჭარბა. 2009 წლის პირველი ნახევრისათვის, ბანკის კლიენტთა დეპოზიტებმა თითქმის 1 მლრდ. ლარი შეადგინა.