ნანახია: 758

25 სექტემბერს “პროკრედიტ ბანკმა” საქართველოში მოღვაწეობის ათი წლისთავი აღნიშნა.
ბანკი საქართველოში პირველად 1999 წელს შემოვიდა და მცირე და საშუალო ბიზნესს დაფინანსება შესთავაზა. “ჩვენ საქართველოში ის ერთადერთი ბანკი ვართ, რომელიც არ ჩაბმულა უპასუხისმგებლო დაკრედიტების ბუმში, რომლის მოწმეც ბოლო წლებში გავხდით”- განაცხადა პრესკონფერენციაზე პროკრედიტ ბანკის გენერალურმა დირექტორმა, ფილიპ პოტმა. შეკითვაზე არსებობს თუ არა პროკრედიტ ჯგუფში შემავალი ბანკების რეიტინგი, სამეთვალყურეო საბჭოს თავმჯდომარე, დოქტორი კლაუს-პიტერ ცაიტინგერი პასუხობს, რომ არსებობს და ამ რეიტინგების მიხედვით “პროკრედიტ ბანკი” საქართველოში პირველ ხუთეულშია.
აღსანიშნავია, რომ ბანკს საეთაშორისო სარეიტინგო სააგენტო Fitch Ratings-ის მიერ მინიჭებული აქვს BB რეიტინგი, რომელიც საქართველოში ყველაზე მაღალი შესაძლო რეიტინგია.
მომავალი წლისთვის ბანკი 15 ფილიალის გახსნას გეგმავს. ამჟამად მას ქვეყნის მასშტაბით 58 ფილიალი გახსნილი აქვს.