ნანახია: 965

შივ ნადარი – კომპიუტერული ტექნოლოგიებით გამდიდრებული ინდოელი მილიარდერი
Shiv Nadar(1946)
ინდოეთი

შივ ნადარი 1946 წელს ინდოეთში დაიბადა. მისი ოჯახი არც თუ ისე ცუდ ბიზნესს ფლობდა. იგი PSG-ს ტექნოლოგიების სკოლაში სწავლობდა, 1968 წელს მიიღო სასწავლო ხარისხი, რის შემდეგაც კომპანია DCM-ის კალკულატორების ამწყობ განყოფილებაში კარიერის მოწყობა დაიწყო.
რამდენიმე ხნის შემდეგ შივ ნადარი აარსებს კომპანიას, რომელსაც Microcomp ჰქვია. იგი იწყებს მიკროკომპიუტერების Micro2200 გაყიდვას ინდურ ბაზარზე და ამ სფეროში ერთ-ერთ პირველ ადგილს იკავებს.

1976 წელს შივ ნადარის მიერ დაფუძნებულ იქნა კომპანია HCL Technologies, რომლის გასანვითარებლად ძალიან დიდი ინვესტიციები იქნა ჩადებული. კომპანიამ მთელი ძალები მოიკრიბა უთანამედროვესი პერსონალური კომპიუტერის შესაქმნელად. იმ დროისათვის სახელმწიფო პოლიტიკა მიმართული იყო იკითკენ, რომ რაც შეიძლება მეტად განვითარებულიყო ადგილობრივი ბაზარი და გააქტიურებულიყვნენ ადგილობრივი მწარმოებლები, ამიტომ უცხოურმა კომპანიებმა და მათ შორის IBM-მმა ინდოეთი დატოვეს, რამაც ინდოელ კომპიუტერის შემქმნელებს უდიდესი შანსები მისცა ამ სფეროს ასათვისებლად და განსავითარებლად.

1980 წელს კომპანია HCL Technologies-ი საკუთარ კომპანიას სინგაპურში აფუძნებს, რასაც წელიწადში დაახლოებით 1 მილიონამდე დოლარი შემოჰქონდა.

1984 წელს ინდოეთის კომპიუტერების ბაზარმა დიდ წარმატებებს მიაღწია. ინდოეთის ხელისუფლებამ გადაწყვიტა, რომ დადგა მომენტი, როცა შეიძლებოდა კომპიუტერული ტექნოლოგიების იმპორტისთვის გაეხსნა ბაზარი. კომპანია HCL Technologies-სი ინდურ ბაზარზე კომპიუტერული ტექნოლოგიების ლიდერი გახდა.

შივ ნადარი ცდილობდა თავისი კომპანია მსოფლიო ბაზარზე გაეტანა. 1989 წელს მან ამერიკულ ბაზარზე სცადა გასვლა. მაგრამ მან არასწორად გათვალა ბაზრის მოთხოვნილებები და ვერ გაუმკლავდა მოთხოვნას. 90-იანი წლებში შივ ნადარმა გააფორმა ხელშეკრულება ისეთ ცნობილ კომპანიებთან, როგორებიცაა Ericsson-ი და Nokia, რათა ინდური ბაზარი მათი პროდუქციით გამდიდრებულიყო. ნადარის კომპანიის ფილიალები იხსნებოდა მთელს ქვეყანაში. ის მარტო კომპიუტერების აწყობით აღარ კმაყოფილდებოდა და უკვე IT-ტექნოლოგიებით პროგრამულ უზრუნველყოფასაც აკეთებდა. რის შედეგადაც აღმოცენდა შემოქმედებითი სფეროს 5 მსხვილი კომპანია.

დღესდღეობით შივ ნადარი ინდოეთის ერთ-ერთი უმდიდრესი ადამიანია. მისი ქონება 3,9 მილიარდ დოლარადაა შეფასებული.