ნანახია: 693

ეკონომიკის სამინისტროს მიერ გამოცხადებული ტენდერი დასასრულს მიუახლოვდა. პატარკაციშვილის კიდევ ერთ აქტივს "აახევენ". "მინისა და მინერალური წყლების კომპანიას" (GGMW), რომელიც "სელფორდ"-ის საკუთრებაში იყო, "ბორჯომი" ჩამოერთმევა. "სელფორდი" პატარკაციშვილისა და ბერეზოვსკის კომპანიად ითვლებოდა. "სელფორდ ჯორჯიას" კვალი გაქრა. "მინისა და მინერალური წყლების კომპანია" ჯერ-ჯერობით დუმს და ამბობს, რომ თავის ინფრასტრუქტურას და სადისტრიბუციო ქსელს არავის დაუთმობს, მის აწყობას კი უამრავი ფული დასჭირდება.
19 მარტს ეკონომიკის სამინისტრო ტენდერში მონაწილეთა რიცხვს დაასახელებს, თუმცა მათ ვინაობა (ჰოი, საოცრებავ!) საიდუმლოდ დარჩება, თუმცა ტენდერი დახურული არ არის.
რუსულ "იზვესტიას" ეჭვი არ ეპარება, რომ რუსული კომპანია "ვიმ ბილ დანი" და მისი მეპატრონე იაკობაშვილი "ბორჯომის" 25 წლიან ლიცენზიას მიიღებენ. იაკობაშვილი, როგორც ამბობენ, ბენდუქიძის მეგობარია.
აი, რატომ ზის კახა ბენდუქიძე ისევ სახელმწიფო კანცელარიაში.
ისე, რატომ რუსებს, ხომ ვითომ ჩვენი მტრები არიან? აგერ არ იყვნენ "რაკიინი" და არაბები. არ არის ლამაზი, თუ არა ყველაფერი ბენდუქიძეების და მისი "არაბების" არ არის?!

ბექა სავანელი