„ჯიპიაი ჰოლდინგი" სადაზღვევო ბაზრის ლიდერია » ბანკები და ფინანსები

„ჯიპიაი ჰოლდინგი" სადაზღვევო ბაზრის ლიდერია

მთავარიბიზნესი 26.09.2011

„ჯიპიაი ჰოლდინგი" სადაზღვევო ბაზრის ლიდერია ბოლო წლების განმავლობაში სადაზღვევო სექტორი წელს პირველად გავიდა ზარალზე. ეროვნული ბანკის ინფორმაციით, სექტორის 2011 წლის პირველ ნახევარის ზარალმა მილიონ 700 ათას ლარს გადააჭარბა. არადა, აქამდე კომპანიების ჯამური მოგება თანდათან იზრდებოდა. მაგალითად, სექტორმა შარშან 33 923 360 ლარის მოგება ნახა, ორჯერ მეტი, ვიდრე 2009 წელს.
2011 წელი განსაკუთრებით წარუმატებელი აღმოჩნდა ორი სადაზღვევო კომპანიისათვის „ვესტისა“ და „მობიუსისათვის“, რომლებიც გაკოტრდნენ და სადაზღვევო ბაზარს ეთიშებიან. კომპანიებმა ეროვნულ ბანკს ლიცენზიის გაუქმების თხოვნით მიმართეს. ხოლო, გაკოტრების რეჟიმში მყოფი სადაზღვევო კომპანია „ვესტის“ სამედიცინო დაზღვევის პორტფელი ბაზრის უფრო მსხვილმა მოთამაშემ „არქიმედე გლობალ ჯორჯიამ“ შეიძინა.
ორი კვარტლის მონაცემებით, 6 ლიდერი სადაზღვევო კომპანიიდან მოზიდული პრემია მხოლოდ ორმა („ჯიპიაი ჰოლდინგი“, „ალდაგი ბისიაი“) გაზარდა, დანარჩენი კი ზარალზე გავიდა. მიზიდული პრემიების მოცულობა ამავე პერიოდში 16%-ით შემცირდა.
ექსპერტ ლევან კალანდაძის შეფასებით სადაზღვევო სექტორის ზარალზე გასვლა არ ნიშნავს იმას, რომ კომპანიებმა წელს მეტი ზარალი აანაზღაურეს და ამან გამოიწვია მთლიანად სექტორის უარყოფითი ფინანსური მაჩვენებლები. მისი თქმით, კომპანიებს დანახარჯები აქვთ გაზრდილი. თუმცა, კონკრეტულად რა ხარჯებია მომატებული, ექსპერტის თქმით, ეს ეროვნული ბანკის მიერ გამოქვეყნებულ ფინანსურ მაჩვენებლებში არ ჩანს, და ეს კომპანიების კონფიდენციალური ინფორმაციაა. თუმცა, ექსპერტი მიიჩნევს, რომ ხარჯები სადაზღვევო კომპანიების ჰოსპიტალურ სექტორში მონაწილეობას უკავშირდება.
2011 წლის პირველ ნახევარში საქმიანობის ზარალით დასრულებას რამდენიმე ფაქტორით ხსნიან სადაზღვევო ინდუსტრიის წარმომადგენლები.
სადაზღვევო კომპანიის ”არდი ჯგუფის” გენერალური დირექტორი არმაზ თავაძე მიიჩნევს, რომ საქმიანობის ზარალით დასრულებაში დრამატული არაფერია. „ქართული სადაზღვევო ბაზარი ბოლო რამდენიმე წლის განმავლობაში სწრაფი ტემპებით ვითარდებოდა და შესაბამსიად ზრდის მაჩვენებელიც მაღალი იყო. ამ ხნის მაძილზე საზოგადოება უფრო გათვითცნობიერებული გახდა, ასევე დაიხვეწა რეგულირების ფორმები და შეიცვალა თამაშის წესები. შესაბამისად, როდესაც ბაზარზე იცვლება კონიუნქტურა, იცვლება ფინანსური შედეგებიც," - განმარტავს თავაძე.
„არქიმედეს გლობალ ჯორჯიას" გენერალური დირექტორი ნიკოლოზ რამიშვილი მიიჩნევს, რომ 6 თვის შედეგებით სერიოზული დასკვნების გაკეთება, მართებული არ არის, ისევე როგორც თითოეული კონტრაქტის ანალიზი მხოლოდ მისი დასრულების შემდეგ უნდა მოხდეს. „თუმცა ინდუსტრიის ზარალზე გასვლა ნაწილობრივ ალბათ იმანაც განაპირობა, რომ სადაზღვევო კომპანიებმა ჰოსპიტალური სექტორის ნაწილში დამატებითი ინვესტიციები ჩადეს, მთლიანობაში საუბარია დაახლოებით 180 მლნ ლარზე. ამ ინვესტიციების გამოსყიდვის ვადა, კი საკმაოდ ხანგრძლივია," - განმარტავს რამიშვილი.
აღსანიშნავია, რომ სადაზღვევო სექტორში წელს არსებულ სირთულეებს „ჯიპიაი ჰოლდინგი“ წარმატებულად გაუმკლავდა და სადაზღვევო ბაზარზე 2011 წლის პირველ ნახევარში მიზიდული ჯამური პრემიის მაჩვენებლით 16 კომპანიას შორის ლიდერის პოზიცია დაიკავა.
ბაზარზე მიმდინარე წლის პირველ ნახევარში „ჯიპიაი ჰოლდინგმა" 33,577 მლნ ლარის სადაზღვევო პრემია მიიზიდა, რაც 11%-ით მეტია გასული წლის ანალოგიურ პერიოდთან შედარებით. საქართველოს ეროვნული ბანკის მონაცემებით, ბაზარზე მოღვაწე კომპანიებმა საანგარიშო პერიოდში 188,189 მლნ ლარის სადაზღვევო პრემია მიიზიდეს, შესაბამისად, „ჯიპიაი ჰოლდინგი" სადაზღვევო ბაზრის 17,8%-ს აკონტროლებს.
2011 წლის პირველ ნახევარში 21%-ით არის გაზრდილი კომპანიის მიერ ანაზღაურებული ზარალები და 18,526 მლნ ლარით განისაზღვრება.
"ჯიპიაი ჰოლდინგის" გენერალური დირექტორის გიორგი კვირიკაძის თქმით, მიღწეული შედეგი განპირობებულია თითოეული თანამშრომლის ძალისხმევითა და მენეჯმენტის მიერ სწორად შერჩეული სტრატეგიით. „ჯანმრთელობის დაზღვევა კვლავაც რჩება კომპანიის სტრატეგიულ მიმართულებად. მიუხედავად იმისა, რომ სახელმწიფო პროგრამით სადაზღვევო პრემია დაახლოებით 30%-ით შემცირდა, ეს არ ასახულა ჩვენს პორტფელზე, რადგან მნიშნელოვნად გაიზარდა კორპორაციული და ინდივიდუალური კლიენტების რაოდენობა. გარდა ამისა, გაიზარდა რამდენიმე სხვა მიმართულებაც არასიცოცხლის სახეობებში. მთლიან პორტფელში სახელმწიფო პროგრამების წილის შემცირება მთლიანობაში ხელს უწყობს პორტფელის დივერსიფიცირებას," - განმარტავს კვირიკაძე.
კვირიკაძე იმედოვნებს, რომ კომპანია წლის ბოლომდე ზრდის აღნიშნულ ტემპს შეინარჩუნებს, მით უმესტეს, რომ „ჯიპიაი ჰოლდინგს" ფილიალების მძლავრი ქსელი აქვს მთელს საქართველოში.



სახელმწიფო ბანკი – როცა შესაკრებთა გადანაცვლებით ჯამი არ იცვლება
სახელმწიფო ბანკი – როცა შესაკრებთა გადანაცვლებით ჯამი არ იცვლება

24.04.2014 · ეკონომიკა
დავით საგანელიძე, მერაბ კაკულია, ნოდარ ჯავახიშვილი, მირიან გოგიაშვილი, ირაკლი კოვზანაძე – უხილავი ხელის ჭადრაკის დაფაზე ფიგურებს ალაგებს

,,პოლიტიკურ თანამდებობებზე, გამოცდილი პოლიტიკოსები უნდა დაინიშნონ"
,,პოლიტიკურ თანამდებობებზე, გამოცდილი პოლიტიკოსები უნდა დაინიშნონ"

24.04.2014 · საზოგადოება
პოლიტოლოგი, ვაჟა ბერიძე მიიჩნევს, რომ პრემიერ-მინისტრ ირაკლი ღარიბაშვილის განცხადება სამთავრობო ცვლილებებთან დაკავშირებით - სწორი იყო

ხელფასების გაყოფის საფრთხე თუ მდიდრების დამსჯელი კანონი
ხელფასების გაყოფის საფრთხე თუ მდიდრების დამსჯელი კანონი

24.04.2014 · საზოგადოება
”ზოგისთვის დაუბეგრავი მინიმუმი - 360 ლარი, მთელი თვის ხელფასია”

 ექსპორტი 23%-ით გაიზარდა
ექსპორტი 23%-ით გაიზარდა

24.04.2014 · ეკონომიკა
2014 წლის იანვარ-მარტში საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 2523 მლნ. აშშ დოლარი შეადგინა, რაც წინა წლის იანვარ-მარტის მაჩვენებელზე 18 პროცენტით მეტია

"დაყავი ბრენდი და იბატონე მომხმარებლეზე"
"დაყავი ბრენდი და იბატონე მომხმარებლეზე"

24.04.2014 · ბიზნესი
გთავაზობთ "ბილაინის" საზოგადოებასთან ურთიერთობის სამსახურის ხელმძღვანელის თეონა ბაღდავაძის საინტერესო ბლოგს, სადაც ავტორი მიმოიხილავს ბრენდინგის ახალ ტენდენციებს

წლის ბოლოს სახელმწიფო ვალი 10 მილიარდს გადააჭარბებს
წლის ბოლოს სახელმწიფო ვალი 10 მილიარდს გადააჭარბებს

24.04.2014 · ეკონომიკა
მთავრობა ვალს მხოლოდ სიტყვით ამცირებს

113 ათას პირს უძრავი ქონების გაყიდვა ემუქრება
113 ათას პირს უძრავი ქონების გაყიდვა ემუქრება

23.04.2014 · საზოგადოება
ფინანსური ინსტიტუტები "იაფ ფულს" გვთავაზობენ, თუმცა - მხოლოდ ერთი შეხედვით.

როგორ უძვირებენ ბანკები კლიენტებს სესხებს
როგორ უძვირებენ ბანკები კლიენტებს სესხებს

23.04.2014 · ბიზნესი
საქართველოს საბანკო სექტორში კრედიტების სიძვირეზე და სესხების აღების სიძნელეზე როგორც ფიზიკური, ისე იურიდიული პირები ბოლო წლებია აქტიურად მიუთითებენ

ცოტა ხელფასი და ძალიან ცოტა დასაქმებული
ცოტა ხელფასი და ძალიან ცოტა დასაქმებული

23.04.2014 · ეკონომიკა
საქართველოში რეალურად, ხელფასს სამუშაო ძალის დაახლოებით 35% იღებს, რაც ძალიან დაბალი მაჩვენებელია

,,საქართველოში თვითაღდგენადი ბუნებრივი რესურსის დათვლის მეთოდი დანერგილი არ არის"
,,საქართველოში თვითაღდგენადი ბუნებრივი რესურსის დათვლის მეთოდი დანერგილი არ არის"

23.04.2014 · საზოგადოება
ინტერვიუ ეროვნული სატყეო სააგენტოს უფროსთან ბიძინა გიორგობიანთან