ნანახია: 712

დანიელ ბუტონი - Societe Generale-ის გენერალური დირექტორი
Daniel Bouton

ფრანგულ ბანკ შოციეტე Gენერალე-ის დირექტორთა საბჭოს წარმომადგენელი (1997 წლიდან) და გენერალური დირექტორი (1993 წლიდან). Societe Generale-ში მოსვლამდე, 1973 წლიდან ეკავა სხვადასხვა თანამდებობა საფრანგეთის ფინანსთა სამინისტროში.
დანიელ ბუტონი 1950 წლის 10 აპრილს პარიზში დაიბადა. 1967 წელს, სკოლის დამთავრების შემდეგ, გამოცდა ბაკალავრის დიპლომზე ჩააბარა. 1973 წელს დაამთავრა მართვის ეროვნული სკოლა (Ecole Nationale d’Admnistration, ENA). მოგვიანებით მიიღო პარიზის პოლიტიკური კვლევების ინსტიტუტეს დიპლომი (Institut d’Etudes Politiques de paris).
1973 წელს მუშაობა ფინანსთა სამინისტროში დაიწყო და გენერალური ფინანსური ინსპექციის ყველაზე ახალგაზრდა ინსპექტორი გახდა. დანიელმა ინსპექციაში 1977 წლამდე იმუშავა, შემდეგ კი ფინანსთა დეპარტამენტში გადავიდა, სადაც რწმუნებულის თანამდებობა მიიღო.
1986 წელს ჟაკ შირაქის ხელისუფლებაში ბუტონი ბიუჯეტზე პასუხისმგებელი უმცროსი მინისტრის, ალენ ჟუპეს ადმინისტრაციის ხელმძღვანელი გახდა. 1988 წელს მიშელ როკარის ხელმძღვანელობის დროს იგი საბიუჯეტო დეპარტამენტის დირექტორი გახდა, რომელიც მინისტრ-დელეგატ მიშელ შარასუს ექვემდებარებოდა.
1991 წლის მარტში ბუტონი ბანკ Societe Generale-ში (SokGen ) გადავიდა სამუშაოდ. 1993 წელს იგი ბანკის აღმასრულებელი დირექტორი გახდა, ხოლო ოთხი წლის შემდეგ დირექტორთა საბჭოს წარმომადგენელიც. ამას გარდა, იგი შევიდა კომპანიების Arcelor, Schneider Electric SA, Total და Veolia Environnement-ის დირექტორთა საბჭოს შემადგენლობაში. 1998 წელს ბუტონი MEDEF-თან (Mouvement des enterprises de France) ერთად არის ჯგუფ "განვითარების" თავმჯდომარე.
1999 წელს ბუტონი შეეცადა ბანკ Paribas-ის ყიდვას, მაგრამ მის გეგმებს ხელი შეუშალა ბანკ BNP-ს მცდელობამ, გაეერთიანებინა სამივე კომპანია. შედეგად BNP-მ "ჩაყლაპა" Paribas, Societe Generale-ი კი დამოუკიდებელი დარჩა.
2002 წელს ბუტონი საერთაშორისო საფინანსო ინსტიტუტში (Institute of International Finance IIF) კაპიტალის მარეგულირებელი საკოორდინაციო კომიტეტის თავმჯდომარე გახდა. იმავე წელლს იგი ეჭვმიტანილი იყო ფულის გათეთრებაში, რომელიც ცნობილია, როგორც შენტიერ II. საქმე ეხებოდა, სავარაუდოდ, უკანონო ფულის გადინებას საფრანგეთსა და ისრაელს შორის. სასამართლო პროცესის დაწყება ამ საქმესთან დაკავშირებით 2008 წლის 4 თებერვალს იყო დანიშნული.
2008 წლის იანვარში Societe Generale მძიმე მდგომარეობაში აღმოჩნდა: გაირკვა, რომ მისი პარიზელი ტრაიდერის, ჟერომა კერველიას წყალობით კომპანიამ 5 მლრდ ევრო დაკარგა. ბუტონმა SocGen-ის მმართველობას თავისი გადადგომა შესთავაზა, მაგრამ მას უარი უთხრეს და გენერალურმა დირექტორმა ხელფასის მიღებაზე მომავალი ნახევარი წლის განმავლობაში უარი თქვა.
დანიელ ბუტონი დაქორწინებულია და ჰყავს ორი შვილი.