ავეჯის ფორუმი თბილისშიავეჯის ფორუმი სასტუმრო „ძველ თბილისში" 13 სექტემბერს გაიხსნება.
ორდღიანი ფორუმი ავეჯის მწარმოებლი კომპანია „ემბავუდი-საქართველოს" ორგანიზებით იმართება და მასში მონაწილეობას მიიღებენ კომპანიის არსებული და პოტენციური პარტნიორები ყაზახეთიდან, უკრაინიდან, თურქეთიდან, თურქმენეთიდან, ტაჯიკეთიდან და აზერბაიჯანიდან.
ორდღიანი ფორუმის მიმდინარეობისას განხილული იქნება ავეჯის საერთაშორისო ვაჭრობასთან დაკავშირებული თემები.
„ფორუმის მიზანია საქართველოდან ავეჯის ექსპორტის გაზრდის მიზნით სხვადასხვა ქვეყნის წარმომადგენლებთან საერთო ინტერესების გამონახვა და ქართული პოდუქციის უცხოელი პარტნიორებისთვის უკეთ გაცნობა", - აცხადებენ „ემბავუდში".
კომპანია Embawood საქართველოდან ექსპორტს 2007 წლიდან ახორციელებს. მიმდინარე 2011 წლის განმავლობაში, 2010 წელთან შედარებით Embawood ავეჯის ექსპორტის 40%-იან ზრდას ვარაუდობს, ხოლო 2012 წლიდან ექსპორტის 30-40%-იან ზრდას გეგმავს. ამ ეტაპზე ექსპორტი უკვე შეადგენს კომპანიის ბრუნვის 30%-ს.
"ემბავუდს" საქართველოში უკვე გახსნილი აქვს ავეჯის 20 სალონი. კომპანია მერქან-ბურბუშელოვანი ფილებისგან საოფისე ავეჯს, სამზარეულოებს, საბავშვო ავეჯს, საძინებლებსა და რბილ ავეჯს აწარმოებს. „ემბავუდის" პროდუქციის ფასები 400-4000 ლარამდე მერყეობს.
კომპანია „ემბავუდი" 1996 წელს ბაქოში დაარსდა. საქართველოს ბაზარზე 2003 წელს შემოვიდა და პირველი ბრენდ-მაღაზია თბილისში 2008 წელს გახსნა.
რეგისტრაცია!
