ნანახია: 571

ჯონ ტეინი - Bank of America-ს პრეზიდენტი
John Thain
უდიდესი ფინანსური ორგანიზაციის – Bank of America-ს პრეზიდენტი. წარსულში კომპანია Marrill Lynch-ის გენერალური დირექტორი და თავმჯდომარე. ეს კომპანია ახლო წარსულში ამერიკის ბანკმა 50 მლრდ დოლარად იყიდა.
ჯონ ტეინი აშშ-ში 1955 წლის 26 მაისს დაიბადა. ჯონი დიპლომირებული სპეციალისტია. თავის დროზე ტეინმა მასაჩუსეცის ტექნოლოგიური ინსტიტუტი (1977 წელს) დაამთავრა და ბაკალავრის ხარისხი მიიღო ელექტრონიკის განხრით. შემდეგ, 1979 წელს მომავალმა ბანკირმა ჰარვარდის ბიზნეს სკოლა დაამთავრა.
ჯონ ტეინს ყოველთვის სჯეროდა, რომ აუცილებლად მიაღწევდა დიდ წარმატებას და ამიტომ ჯიუტად მიიწევდა წინ დასახული მიზნისაკენ.
თავდაპირველად ტეინი მრავალ კომპანიასთან თანამშრომლობდა, აგროვებდა გამოცდილებას და იმყარებდა საკუთარ სტატუსს.
მალე ტეინი საფონდო ბირჟის ხელმძღვანელის მოვალეობის შემსრულებელი გახდა, შემდეგ სხვადასხვა კომპანიაში მუშაობდა ფინანსური დირექტორის, აღმასრულებელი დირექტორისა და პრეზიდენტის რანგში.
მცირე ხნის განმავლობაში ტეინმა საკმაო კაპიტალი დააგროვა – დაახლოებით სამასი ათასი დოლარი. სწორედ ამ დროს კომპანიები Marrill Lynch-ი და Citigroup-ი ხელმძღვანელის გარეშე დარჩნენ და ახალ პრეზიდენტს ეძებდნენ. ტეინი ამ საქმისათვის შესაფერისი აღმოჩნდა და გარკვეული დროის განმავლობაში კომპანია Marrill Lynch - ში შესანიშნავად ასრულებდა თავის მოვალეობებს.
კარიერის შექმნასთან ერთად ტეინი დაკავებული იყო საზოგადოებრივი საქმიანობითაც. ის მასაჩუსეცის ტექნოლოგიური ინსტიტუტის გაერთიანების ხელმძღვანელობაში მუშაობდა, იყო ინსტიტუტეს დეკანთა საბჭოში, INSEAD-ის (ამერიკის ნაციონალური საკონსულტაციო სამმართველოს) წევრი, ასევე ფედერალური სარეზერვო ბანკის საბჭოს წევრი (Reserve Bank of New York’s International Capital Markets Advisory Comitee), შედიოდა კონგრესის ბიბლიოთეკის საბჭოში.
ამ დროისათვის ჯონ ტეინი ნიუ-იორკის საფონდო კომპანია New York-Presbyterian Fundation-ის ხელმძღვანელია. ის აქტიურად ეწევა ქველმოქმედებას. სიამოვნებით მონაწილეობს დიდ საქველმოქმედო აქციებში და მრავალ ორგანიზაციას სოლიდურ ფინანსურ დახმარებას უწევს.