"ნატახტრის" ერთ-ერთი დამფუძნებელი, მცხეთა-მთიანეთის გუბერნატორი ცეზარ ჩოჩელი ხელისუფლების მაღალჩინოსნებთან ერთად ლუდის მწარმოებელი ახალი კომპანიის შექმნას გეგმავს.
გავრცელებული ინფორმაციით, კომპანია "ნატახტარს", რომელსაც ამჟამად თურქული "ანადოლუ ჯგუფი" მართავს, გაკოტრება ემუქრება და ფინანსთა სამინისტროს შემოსავლების სამსახურის მიერ კომპანიის მიმდინარე შემოწმებაც სწორედ ამ მიზანს ემსახურება.
მისივე ინფორმაციით, თავად ჩოჩელი ხელისუფლების ერთ-ერთ მაღალჩინოსანთან ერთად ახალ კომპანიას აყალიბებს და ქართულ ბაზარზეც ახალი დასახელების ლუდი გამოჩნდება, "ნატახტრის" გაკოტრებით კი ჩოჩელი მომავალ კონკურენტს ჩამოიშორებს.
როგორც "ნატახტარში" აცხადებენ, შემოსავლების სამსახურის აუდიტის დეპარტამენტის თანამშრომლები კომპანიის ფინანსური დოკუმენტაციის შემოწმებას მიმდინარე წლის 7 ივნისიდან ახორციელებენ და ეს პროცესი ამ დრომდე არ დაუსრულებიათ.
ცნობისთვის, სააქციო საზოგადოება "ლომისი" 1991 წელს ჩამოყალიბდა და მდინარე ქსნის პირას, ახალგორში ლუდის პატარა ქარხნის მშენებლობა დაიწყო. მოგვიანებით, 2005 წლის სექტემბერში სააქციო საზოგადოებამ "თი-ბი-სი ბანკისა" და EBRD-ს ინვესტიციების მოზიდვის შედეგად ლუდსახარში "ნატახტარი" ააშენა. 2008 წელს ლუდსახარშის საქმიანობით კომპანია "ეფესი" დაინტერესდა, რომელმაც მისი 100%-იანი წილი შეიძინა.
რეგისტრაცია!
