ტურისტულ სექტორში დაკავებული ბიზნესმენების ნაწილი მიმდინარე სეზონით კმაყოფილია. თემურ ჭყონია, რომელიც სასტუმროებს ქობულეთსა და სიღნაღში ფლობს, დატვირთვის მაღალ მაჩვენებლებზე საუბრობს. მისი განცხადებით, ქობულეთის “ჯორჯია პალასი” 100%–ითაა დატვირთული.
ჭყონია დატვირთვას არც სიღნაღში რამდენიმე თვის წინ გახსნილ სასტუმროში უჩივის და ამის მიზეზად მომსახურების მაღალ ხარისხს ასახელებს. თუმცა, არ მალავს, რომ სიღნაღში 100%_იანი დატვირთვა შეუძლებელია, რადგან ამას ხელი სხვადასხვა ფაქტორებმაც უნდა შეუწყოს. ჭყონიას განცხადებით, სიღნაღის სასტუმროში 60%–იანი დატვირთვაც უკვე წარმატებაა.
ამ ფონზე ბიზნესმენი კიდევ ერთი სასტუმროს აშენებას არ გამორიცხავს. თუმცა, მეტი კონკრეტიკისაგან თავს იკავებს.
რახან თემურ ჭყონია ხელისუფლებასთან ნაყოფიერად თანამშრომლობს, ლოგიკურად ქობულეთსა და სიღნაღს მესტიაში მისი ახალი სასტუმროს აშენება უნდა მოჰყვეს.
commersant.ge
რეგისტრაცია!
