ნანახია: 1157

ისააკ ანდიკი ესპანელი მილიარდელი და მეწარმე, ტანსაცმლის მწარმოებელი ცნობილი მოდური კომპანია Mango-ს დამფუძნებელი და მთავარი აქციონერია.
მისი კაპიტალი შეფასებულია დაახლოებით 3,4 მლრდ დოლარად. "ფორბსის" მონაცემებით ესპანელს ერთ-ერთი საპატიო ადგილი უჭირავს პლანეტის უმნიშვნელოვანეს ადამიანთა რეიტინგში. სწორედ `ფორბსმა~ დაასახელა ისაკ ანდიკი მოდის სამყაროს ყველაზე საინტერესო წარმომადგენლად.
ისააკ ანდიკის პირველი ტანსაცმლის მაღაზია Mango (ბარსელონაში, Paseo de gracia-ს ტერიტორიაზე) 1984 წელს გაიხსნა. სულ რაღაც ერთი წლის შემდეგ ისაკის მფლობელობაში უკვე ხუთი მაღაზია იყო კატალონიის დედაქალაქსა და ერთიც ვალენსიაში. ამ დროისთვის Mango-ს მაღაზიათა რიცხვი საოცრად გაიზარდა. ახლა Mango-ს მაღაზიათა ქსელი 1000 მეტ სავაჭრო ობიექტს ითვლის ევროპის, აზიის, აფრიკისა და სამხრეთ ამერიკის 84 ქვეყანაში. მიუხედავად იმისა, რომ მისი საქმიანობა ძირითადად პუბლიკასთან არის დაკავშირებული, ისაკი ცდილობს შეძლებისდაგვარად იშვიათად გამოჩნდეს ხალხში. იგი კეთილგონივრულ ცხოვრების წესს ეწევა, რაც მისი ფოტოების მცირე რაოდენობაში აისახება კიდეც, რომელთაც პრესის წარმომადგენლები ფლობენ. ამ დროისთვის ისააკი დაქორწინებულია და ჰყავს სამი შვილი. ის ებრაული ოჯახის წარმომადგენელია, რომელიც 1950 წელს თურქეთიდან ესპანეთში გადასახლდა. მისი საქმიანობა მოდის სამყაროში 1972 წელს დაიწყო, როდესაც ისაკი არდადეგებიდან რამდენიმე პიჯაკით დაბრუნდა და ისინი მათ პირვანდელ ფასთან შედარებით ორჯერ მეტად გაყიდა. როგორც აღვნიშნეთ, Mango-ს მაღაზიათა ქსელი მთელს მსოფლიოში წარმატებულად ფუნქციონირებს. ანდიკი კვლავ განაგრძობს ქსელის გაფართოებას აშშ-ში, ჩინეთში, იტალიასა და ავსტრიაში. ახლო წარსულში Mango ლონდონში, ვენაში, პარიზსა და ლოს ანჟელესშიც გამოჩნდა.
გარდა ფართო სავაჭრო ქსელისა, Mango-ს საკუთარი ონლაინ მაღაზია Mangoshop.com აქვს, რომლის საშუალებითაც Mანგო ევროკავშირის ქვეყნებთან წარმატებით თანამშრომლობს, ასევე ნორვეგიასთან, შვეიცარიასთან და ანდორასთან. ეს ვირტუალური მაღაზია 2000 წელს გაიხსნა და ამ დრომდე კომპანიას დიდი მოგება მოუტანა (საშუალოდ 4 500 შეკვეთა თვეში).
Mango-ს კომპანიას 150 000 კვ. მ ტერიტორია უჭირავს. თანამშრომლების რაოდენობა 5 800 აღწევს, რომელთაგან რამდენიმე ათასი Mango-ს მთავარ რეზიდენციაში მოღვაწეობს. საწარმოს მოქმედების პრინციპი ყველაზე თანამედროვე ტექნოლოგიების გამოყენებაა.