ნანახია: 565

ჯერ კიდევ 2010 წელს გავრცელდა ინფორმაცია, რომ არაბული ,,რაკია’’ ფოთის პორტის დატოვებას აპირებდა. კომპანიის სამეთვალყურეო საბჭოს თავმჯდომარე ჰაატერ მასადი პორტის აქციების საერთაშორისო ბირჟებზე გატანას გეგმავდა და ამბობდა:
,,ფოთის პორტიდან 2011 წელს გავალთ. ეს არ არის ჩვენთვის სტრატეგიული აქტივები. როდესაც შეიძლება, რომ რაღაცის გაყიდვიდან ფული იშოვო, რატომ არ უნდა გავაკეთოთ ეს’’? - აცხადებდა მასადი.”ფოთის პორტის 51%-იანი წილი, 49-წლიანი მართვის უფლებით, არაბულ ,,რაკიინ ინვესტმენტს’’ 2008 წლის აპრილში გადაეცა. მოგვიანებით, კომპანიამ აქციათა 49%-იც შეისყიდა. ,,რაკიას’’ ფოთის პორტი გარკვეული ვალდებულებებით გადასცეს, ამ ვალდებულებებში ფოთში თავისუფალი ინდუსტრიული ზონის (თიზ) მოწყობაც იყო გათვალისწინებული.
,,რაკიაში’’ იმასაც აცხადებდნენ, რომ ფოთის საზღვაო ნავსადგურის განვითარებაში კომპანიამ 2008 წლიდან სერიოზული ინვესტიციები განახორციელა. გაიზარდა საწარმოო სიმძლავრეები, აშენდა ახალი ნავმისადგომი, ნავსადგურის მიმდებარე ტერიტორიაზე, ფოთის განვითარების ზონაში ახალი პორტის პროექტზეც მუშაობდნენ.”ამ სამუშაოების მიუხედავად, ფოთის პორტის აქციების გასხვისება დღის წესრიგში მაინც დადგა და როგორც ჰაატერ მასადი აცხადებდა, ეს გარიგება 2011 წლის გაზაფხულზე მაინც შედგა. როგორც უკვე ვთქვით, ფოთის პორტში არაბულს დანიური კომპანია ჩაენაცვლა. ახალი მფლობელი თერმინალს ვალდებულია, ნავსადგურში 65 000 000 აშშ დოლარის ინვესტიცია განახორციელოს და ადგილობრივი მოსახლეობა დაასაქმოს. ეკონომიკისა და მდგრადი განვითარების სამინისტროში აცხადებენ, რომ დანიური კომპანია მსოფლიოს 33 ქვეყანაში 44 პორტის მფლობელია.”მართალია, ,,რაკიამ’’ ფოთის პორტის აქციების 80% გაყიდა, მაგრამ ფოთის ინდუსტრიული ზონის მმართველად მაინც რჩება. დანიურ კომპანიასთან მიღწეული გარიგება ინდუსტრიულ ზონას არ ეხება, მაგრამ ინდუსტრიული ზონით ამერიკული, შვეიცარიული და ირანული კომპანიები დაინტერესდნენ. არაბულ რაკიაში განმარტავენ, რომ ზონაში საქმიანობით უკვე დაინტერესდა ამერიკული ქათმის პროდუქციის მწარმოებელი კომპანია ?ერდიუ, ასევე შვეიცარიული ქიმიური გიგანტი ?ეინბექსი. შეთანხმება გააფორმეს არაბულ საიუველირო ბრენდ ?ითჰიჯემსთან, ფოთში შედის საპოხი მასალების მწარმოებელი ირანული კომპანია ?ექსოილიც.
რაკიას განცხადებით, თავისუფალი ინდუსტრიული ზონის ნახევარზე მეტი სხვადასხვა კომპანიას დაეთმობა, ხოლო ნაწილზე - ოფისები და სასაწყობე ფართები განთავსდება. მენეჯმენტის ინფორმაციით, წლის ბოლომდე ზონაში 80-ზე მეტი კომპანია შემოვა, მაგრამ სამომავლოდ, მათი რიცხვი 200-მდე გაიზრდება.