მარტის ბოლოდან ბაზარზე ქართული სარეცხი და ჰიგიენური საშუალებები შემოვა
2009 წელს მცხეთის რაიონში, სოფელ წეროვანის მიმდებარე ტერიტორიაზე დაარსდა საყოფაცხოვრებო მოხმარებისა და ჰიგიენური საშუალებების მწარმოებელი კომპანია "ბერტა”. ქართველმა ბიზნესმენებმა უცხოერ პარტნიორებთან ერთად, 35 მილონიანი ინვესტიცია ჩადეს და 2010 წელს ააგეს ქარხანა, ხოლო წარმოება 2011 წლიდან დაიწყეს. საწარმოს მშენებლობა ლილოში იგეგმებოდა, მაგრამ 2008 წლის რუსეთ-საქართველოს აგვისტოს ომმა გადააწყვეტინა ინვესტორებს, პროექტი წეროვანში განეხორციელებინათ და ამით ომით დაზარალებულთა სოციალური მდგომარეობაზე დადებითი გავლენა მოეხდინათ. დღეს უკვე საწარმოში დასაქმებული 200 ადამიანიდან 100 დევნილია. პროექტში აქტიურად არის ჩართული ასევე სოფელ წეროვანის ადგილობრივი მოსახლეობაც.
"ბერტას” კომპლექსში შედის 5 დამოუკიდებელი საწარმო: კერძოდ: საპნის, ფხვნილის, შამპუნის, თხევადი სარეცხი და საწმენდი საშუალებებისა და საოჯახო საპნის საწარმოები.
თითოეულ საწარმოს საკუთარი ლაბორატორია აქვს, რომელთა მეშვეობითაც სისტემატურად მომდინარეობს ხარისხის კონტროლი. დანადგარები და ბუნებრივ რესურსებისზე დმზადებული ნედლეული "ბერტას” ევროპიდან მიეწოდება. როგორც კომპანიის გენერალურმა დირექტორმა, ვასილ სულხანიშვილმა ჩვენთან საუბარში განაცხადა, ისინი საწყის ეტაპზე საშუალო სეგმენტზე აპირებენ გასვლას და ბაზრის 40%ის დაკავებას. "ვქმნით ფოკუს ჯგუფებს, რათა დავადგინოთ თუ რა სჭირდება მოსახლეობას. ხარისხი და ფასი ეს იქნება ჩვენი მთავარი პრიორიტეტი,"- აცხადებენ კომპანიაში.
რაც შეეხება დისტრიბუციას, დასაწყისისთვის პროდუქცია გამოჩნდება ადგილობრივ ქსელში. როგორც გენერალური დირექტორი აღნიშნავს, სამომავლოდ იგეგმება იმპორტზე გასვლა. ამჟამად მიმდინარეობს მოლაპარაკება ზერბაიჯანთან და სომხეთთან, ასევე შემოთავაზება აქვთ ესპანეთიდანაც. საცდელი პროდუქციის გაგზავნას ევროკავშირის ქვეყნებშიც აპირებენ.
კომპანიის მესვეურთა განცხადებით, მთავარი, რითაც გეგმავენ ბაზრის ათვისებას, ეს არის ხარისხი. კომპანია "ბერტა" თანამშრომლობს გერმანულ პროფილერ ჰოლდინგთან, ჰყავთ უცხოეთიდან მოწვეული სპეციალისტები და კვალიფიციური პერსონალი. "ბერტა" აქტიურად მუშაობს ISO და GMP სერტიფიკატების მიღებაზე, რაც მის პროდუქციას საექსპორტოდაც გაუხსნის გზას.
"ბერტაში" მიაჩნიათ, რომ ქართველი მომხმარებელი განსაკუთრებით ლოალურია ადგილობრივი წარმოების პროდუქციისადმი, რაც მათ ამთავითვე აყენებს უპირატეს მდგომარეობაში იმპორტირებულ ანალოგებთან შედარებით. "პროდუქციის მაღალი ხარისხით და დაბალი ფასებით ჩვენ დავამტკიცებთ, რომ ცნობილ და რეკლამირებულ ბრენდებთანაც შესაძლებელია სრულფასოვანი კონკურენციის გაწევა" - აცხადებენ "ბერტაში".
"ბერტა"-ს ოფიციალური გახსნა 21 მარტს იგეგმება, ხოლო პროდუქცია ქსელში თვის ბოლოს შემოვა.
ნინი ლეკიშვილი
რეგისტრაცია!
