2011 წლის 1 მარტიდან ქართული მინერალური წყალი “ბორჯომი” ავიაკ ომპანია “Air Baltics” –ის ბორტზე გაიყიდება. ხელშეკრულებას თანამშრომლობის შესახებ კომპანია “IDS Borjomi Europe” – ის დირექტორმა ირაკლი ბოკუჩავამ 2011 წლის 25 თებერვალს მოაწერა ხელი.
“მოხარული ვარ, რომ ჩვენი თანამშრომლობა შედგა. ეს სერიოზული პროექტია როგორც ჩვენთვის, ასევე კომპნია “Air Baltics” –ისთვის, რადგან ეს სწორედ ის შემთხვევაა, როცა ორი ლიდერი კომპანია ძალებს მომხმარებლის საკეთილდღეოდ აერთიანებს” – აცხადებს “IDS Borjomi Europe”– ის დირექტორი ირაკლი ბოკუჩავა.
კომპანია “Air Baltics” –ი ლიდერი ავია კომპანიაა ბალტიისპირეთის რეგიონში, რომელიც ფლობს 34 თვითმფრინავს, ახორციელებს ფრენებს 92 მიმართულებით. 2010 წელს კი 3 მილიონ მგზავრს მოემსახურა.
კომპანია “IDS Borjomi Europe” ქართული, ნატურალური მინერალური წყლების მწარმოებლის, “IDS ბორჯომი საქართველოს” წარმომადგენლობაა ბალტიისპირეთსა და ევროპის ქვეყნებში. წარმომადგენლობითი ოფისი 2008 წელს გაიხსნა. მისი ფუნქციაა ქართული მინერალური წყლის “ბორჯომის” განვითარება და გაყიდვების ხელშეწყობა როგორც ბალტიისპირეთში, ასევე ცენტრალური და აღმოსავლეთ ევროპის მიმართულებით.
რეგისტრაცია!
