ნანახია: 578

შპს "უნისონმა" არასიცოცხლის დაზღვევის ლიცენზია საქართველოს ეროვნული ბანკისგან მიმდინარე წლის 7 თებერვალს მიიღო. როგორც "უნისონის" გენერალურმა დირექტორმა მიხეილ კაკულიამ განაცხადა, კომპანია ბაზარზე აქტიურ ოპერირებას ერთ თვეში დაიწყებს.
თუ რომელი სადაზღვევო პროდუქტი იქნება "უნისონისთვის" პრიორიტეტული, ან რომელ გადამზღვევ კომპანიებთან მიმდინარეობს ამ ეტაპზე მოლაპარაკებები, მენჯემენტი კონფიდენციალობის საბაბით არ ასახელებს.
"უნისონის" დამფუძნებელი "აბსოლუტ ჰოლდინგია". დამფუძნებელი კომპანიისა და მისი საქმიანობის შესახებ "უნისონში" კომენტარს არ აკეთებენ.
მოქმედი კანონმდებლობის შესაბამისად, სადაზღვევო საქმიანობის განხორციელებისათვის ლიცენზიის მაძიებელი კომპანიის შევსებული კაპიტალის მინიმალური ოდენობა არა სიცოცხლის დაზღვევაზე 1 მლნ ლარია (სიცოცხლის დაზღვევაზე 1,5 მლნ ლარი).
სადაზღვევო ბაზარზე, "უნისონის" შესვლამდე 16 კომპანია ოპერირებდა. სებ-ის მონაცემებით, 2010 წლის პირველ ნახევარში კომპანიებმა 222,66 მლნ ლარის სადაზღვევო პრემია მიიზიდეს. კომპანიების მიერ ანაზღაურებულმა ზარალებმა ამ პერიოდში 91,842 მლნ ლარი შეადგინა.