ამ დასკვნამდე კომუნიკაციების კომისია 4-თვიანი განსჯის შემდეგ მივიდა. ცნობილი გახდა ყველა მონაცემი, რის საფუძველზეც მარეგულირებელმა მობილურ ოპერატორებს ზედა ზღვრული ტარიფი დაუდგინა. როგორც ცნობილია, კომისიის მიერ დაწესებული ახალი ზღვრული ტარიფი - 24 თეთრი 1 აპრილიდან შევა ძალაში.
"მოლოდინი იყო, რომ ურთიერთჩართვის ტარიფის შემცირება საცალო ტარიფის შემცირებას გამოიწვევდა. თუმცა, რადგან მობილური ოპორატორები მხოლოდ სხვადსახვა აქციებით შემოიფარგლნენ, კომისიამ სექტემბერში დაიწყო საცალო ტარიფის დადგენის შესახებ კვლევა", - აღნიშნა კომისიის პრეს-სპიკერმა ხატია ყურაშვილმა.
დღეისთვის "ჯეოსელის" ქსელში 1 წუთის ღირებულება 28,8 თეთრი, ხოლო “მაგთის" ტარიფი 32 თეთრი იყო. მარეგულირებლის დასკვნით, "მაგთის" ხარჯი 1 წუთზე გაანგარიშებით 18,5 თეთრს შეადგენდა, ხოლო "ჯეოსელის" - 17,1 თეთრს. ამ ხარჯში ყველა გადასახადი და მოგებაა გათვალისწინებული. აღსანიშნავია, რომ კომისიის მიერ დათვლილ ტარიფში ჩადებულია აქციზის 10%-იანი გადასახადიც, რომელიც 2010 წლის სექტემბერში დაუწესდათ მობილურ ოპერატორებს. ე.ი. გასული წლის სექტემბრამდე კომპანიების მოგება გაცილებით დიდი იყო. სამწუხაროა, რომ კომისიას ასეთი გადაწყვეტილების მისაღებად 15 წელი დასჭირდა, ამ დროის მანძილზე კი კომპანიები, რომ ძალიან მაღალ მოგებაზე მუშობდნენ და მოსახლეობას არაადეკვატური ტარიფის გადახდა უხდებოდა მობილურით სარგებლობისას, უკვე ოფიციალურად დადასტურდა.
მკითხველს შევახსენებთ, რომ მობილური ოპერატორების წინააღმდეგ პირველი არგუმენტირებული კრიტიკა «ახალგზარდა ფინანსისტთა და ბიზნესმენთა ასოციაციის» კვლევის გამოვეყნქბის შემდეგ გაისმა. აფბას კვლევის თანახმად მობილური ტარიფების სიძვირით საქართველო მსოფლიოში ერთ-ერთი მოწინავეა, ხოლო დსთ-ს სივრცეში პირველ ადგილს იკავებს. ტარიფების შემცირების მოთხოვნით აფბამ მობილურ ოპერატორებს მარეგულირებელ კომისიაშიც უჩივლა, რომელსაც შემდეგ ჯერ ურთიერთჩართვის, ხოლო ახლა უკვე საცალო ტარიფის შემცირება მოყვა.
აღსანიშნავია, რომ ოფიციალური მონაცემებით, მობილურმა კომპანიებმა მარტო 2010 წელს 600 მლნ ლარზე მეტის შემოსავალი მიიღეს, მათ შორის "ჯეოსელმა" - 282 მლნ ლარი, "მაგთიმ" - 272 მლნ ლარი, ხოლო "ბილაინმა" - 70 მლნ ლარი.
“მაგთი” და “ჯეოსელი” მარეგულირებლის დადგენილ ახალ ტარიფს არ ეთანხმებიან. ფიჭური კავშირგაბმულობის ორივე ლიდერი აცხადებს, რომ მათთვის დაანგარიშების მეთოდიკაა მიუღებელი. „მაგთიში“ განმარტავენ, რომ ბაზარზე ისედაც მძაფრი კონკურენციაა და ხელოვნური ჩარევეა საჭირო არ არის. „ჯეოსელში“ კი ჯერ არ იციან, გაასაჩივრებენ თუ არა მარეგულირებლის გადაწყვეტილებას. ინფორმაციისთვის: „ჯეოსელს“ ბაზრის 45% უჭირავს, „მაგთის“ 42%, ხოლო „ბილაინს“ - 13%.
საბა იჩქიტიძე
რეგისტრაცია!
