ნანახია: 515

ნავთობპროდუქტების სექტორში 2010 წელს მნიშვნელოვანი ინვესტიციები განხორციელდა. ამის შესახებ ინფორმაციას ნავთობპროდუქტების იმპორტიორთა კავშირი ავრცელებს. კავშირის ცნობით, ბაზარზე მოქმედმა ორმა ლიდერმა კომპანიამ "სოკარი" და "ვისოლი" შესაბამისად, 40 მლნ ლარი და 20 მლნ აშშ დოლარის ინვესტიცია განახორციელა.
დამატებითი ინვესტიციები ასევე განახორციელეს "რომპეტროლ საქართველომ" და "ლუკოილ ჯორჯიამ".
კავშირის ცნობით, 2010 წლის განმავლობაში ავტოგასამართი სადგურების ქსელის მნიშვნელოვანად განვითარდა. 35 ახალი ავტოგასამართი სადგური ააშენა "სოკარმა", 12 - ,,ვისოლ პეტროლიუმ ჯორჯიამ". ახალი ავტოგასამართი სადგურები შემატეს ასევე თავიანთ ქსელს კომპანიებმა "რომპეტროლი", "ლუკოილ ჯორჯია" და სხვა.
კავშირის მიერ გავრცელებულ განცხადებაში განმარტებულია, რომ საერთაშორისო ბაზარზე ნავთობპროდუქტების გაძვირების შედეგად, წლის განმავლობაში საქართველოს საცალო ქსელში ფასები ლიტრზე საშუალოდ 25-30 თეთრით გაიზარდა, თუმცა ამის მიუხედავად, საქართველოში საწვავის მოხმარება არ შემცირებულა.

GBC