ქართულ მედიასივრცეში გამოდის პირველი ქართული შემეცნებითი ჟურნალი მოგზაურობის შესახებ ,”მოგზაური”. ჟურნალი დააინტერესებს მოგზაურობისა და თავგადასავლების მოყვარულებს და არა მარტო მათ. მისი დამფუძნებელია მსოფლიოში ცნობილი ქართველი მოგზაური, ჯუმბერ ლეჟავა.
ჟურნალში წარმოდგენილი იქნება თავად დამფუძნებლის, ჯუმბერ ლეჟავას პირადი ჩანაწერები, მსოფლიოს გარშემო მისი საინტერესო მოგზაურობის შესახებ. ამასთან, გამოქვეყნდება ექსკლუზიური და უნიკალური ფოტომასალები, რომლებიც ცნობილ მოგზაურს სხვადასხვა ქვეყნებში მოგზაურობის დროს აქვს გადაღებული. გარდა ამისა, მკითხველს შესაძლებლობა მიეცემა დეტალურად გაეცნოს მსოფლიოში და საქართველოში ტურიზმის სფეროში მიმდინარე მოვლენებს, მიიღოს ინფორმაცია ნებისმიერი ქვეყნის ტურისტული პოტენციალისა და მსოფლიოში სანახაობრივად საინტერესო ადგილების შესახებ. ჟურნალი მკითხველს მოგზაურობისა და დასვენების მოყვარულებს პრაქტიკულ რჩევებს და სხვადასხვა სახის რუბრიკებს, ასევე, ცნობილი ადამიანების ინტერვიუებს შესთავაზებს.
ჟურნალის მხარდამჭერებია საქართველოს ტურიზმის ეროვნული სააგენტო და გარემოს დაცვის ეროვნული სააგენტო.
ჟურნალი მოგზაური სამ თვეში ერთხელ გამოვა და ის გავრცელდება საქართველოს ყველა ქალაქსა და რაიონში და გაიყიდება პრესის ჯიხურებში, სუპერმარკეტებში, წიგნის მაღაზიებში, ტურისტული საინფორმაციო ცენტრებში, სავაჭრო ცენტრებში და სასწავლო დაწესებულებებში. ჟურნალ ”მოგზაურის” პირველი ნომერი 20 დეკემბრიდან გამოვა,Fფასი 5 ლარი ეღირება.
რეგისტრაცია!
